ՄԻՇԻԿԸՆ.- Հ.Յ.Դ.-ի Օրուայ Տօնակատարութիւն Եւ Տիրպորնի Հայ Կեդրոնի Նորակառոյց Մարզաւանի Բացում

0 0
Read Time:1 Minute, 56 Second

Շաբաթ, Փետրուար 29-ի երեկոյեան, կազմակերպութեամբ Տիթրոյթի Հ.Յ.Դ. «Ազատամարտ» Կոմիտէութեան, տեղի ունեցաւ Հ.Յ.Դ. Օրուան տօնակատարութիւն եւ Տիրպորնի Հայ Կեդրոնի նորակարոյց համալիրի պաշտօնական բացումը: Եղանակի աննպաստ պայմանները անտեսելով, շուրջ երկու հարիւր հայորդիներ, ընդառաջելով կոմիտէի հրաւէրին, ներկայ էին այս հանդիսութեան։

Այս տարուայ տօնակատարութիւնը իր տեսակին մէջ իւրայատուկ էր։ Արդարեւ, Հայ Կեդրոնի ղեկավարութիւնը յետ երկարամեայ հետապնդումներու եւ ուսումնասիրութիւններու արդիւնք, 2011-ին գնած եւ ձեռք ձգած հողաշերտը աւելի ընդարձակեց եւ նիւթական ապահովելով,  կեդրոնի կողքին կառուցեց մարզաւան եւ դասարաններ, կալուածի ընդհանուր տարածութիւնը հասցնելով յիսուն հազար  քառակուսի ոտքի։ Այս նիւթական շահարկումը, Նովա քաղաքի ապագայ համալիրի կառուցումին մեծապէս պիտի նպաստէ:

Ձեռնարկին ներկայ էին ազգային հաստատութիւններու ներկայացուցիչներ։

Սուրբ Սարգիս եկեղեցւոյ հովիւ Տէր Հրանդ Գէորգեան եւ  հայ կաթողիկէ Սուրբ Վարդան եկեղեցւոյ Հայր Անտոն Ադամեան կատարեցին օրհնութիւն։

Ընթրիքի սպասարկութենէն ետք, սրահ մուտք գործեց Հ․Մ․Ը․Մ․-ի սկաուտական կազմը՝ Ա․Մ․Ն․-ի, Հայաստանի եւ Արցախի դրօշակները բարձրացնելով: Օրուայ հանդիսավար Շանթ Ժամկոչեան, որ մէկ վայրկեան, յոտնկայս յարգելէ ետք յիշատակը հայոց ազատագրական պայքարի  զոհերուն ու առյաւէտ հեռացած ընկերներուն, ներկայացուց հրաւիրեալները։ Ան Հ.Յ.Դ. Տիթրոյթի ընտանիքին անունով վերահաստատեց, թէ  պէտք է անսակարկօրէն եւ հաւատարմութեամբ ծառայել ազգին ու հայրենիքին։

Օրուայ յայտագիրը սկսաւ համալիրին պաշտօնական բացումով: Կարմիր ժապաւէնը կտրեցին Հ.Յ.Դ. Կեդրոնական կոմիտէի ներկայացուցիչ Ճորճ Աղճայեանն ու Հ.Յ.Դ. Տիթրոյթի «Ազատամարտ»  Կոմիտէի ներկայացուցիչ Ռաֆֆի Ուրլեանը, որ նաեւ փոխանցեց Հայ Կեդրոնի վարչութեան խօսքը:

«Այս մարզաւանի կառուցման ընթացքին դէմ յանդիման գտնուեցանք շատ մը դժուարութիւններու: Շնորհիւ մեր վճռակամութեան եւ հաւատարիմ համակիրներուն յաջողեցանք իրագործել ծրագիրը: Շնորհակալութիւն բոլոր անոնց որոնք սատարեցին այս ծրագրին», ըսաւ ան: Ապա, բեմ բարձրացաւ օրուան պատգամաբերը՝ Ճորճ Աղճայեան, որ ըսաւ.- «Հ.Յ.Դաշնակցութիւնը կը գործէ 130 տարիէ ի վեր: Եթէ վերատեսութեան ենթարկենք անցեալը, կրնանք պատկերացնել, թէ ինչ դժուարութիւններէ անցած ենք: …Մենք կը հաւատանք օրինական քննադատութեան եւ կը ձգտինք աւելիին, որպէսզի արժանի ըլլանք հայ ժողովուրդի վստահութեան: Հ.Յ.Դ.-ի 130-ամեակին առթիւ, մարդիկ կը փորձեն նուազագոյնի հասցնել այս դրական ներդրումները, որոնք կը շարունակենք կատարել մեր համայնքին,  ժողովուրդին: Մենք պարտաւոր ենք արձագանգել եւ յիշեցնել»:

Աւարտին, «Ազատամարտ»  Կոմիտէի ներկայացուցիչ Ռաֆֆի Ուրլեան բեմ բարձրանալով ներկայացուց տարուան Հ.Յ.Դ.-ի գնահատագրերը.-

Յետ մահու.- Տաճատ Կոտոշեան եւ Աբգար Ֆէրմանեան

Օրինակելի համակիր.-  Հ.Օ.Մ.ի և Հ.Մ.Ը.Մ.-ի անդամ Թալին Մարկոսեան

Օրինակելի երիտասարդ ղեկավար.- Հ.Ե.Դ.-ի անդամ Հայկան Չոլաքեան

Օրուայ գեղարուեստական յայտագրով, ելոյթ ունեցաւ Սեւակ Ամրոյեանը, որ իր իւրայատուկ կատարումներով,  յաջողեցաւ ներկաներուն հրամցնել անմոռանալի պահեր: Յայտագիրը իր աւարտին հասաւ ուշ գիշերին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հայ Դատի Յանձնախումբերու Ուղին
Next post Համաշխարհային Շտապ Օժանդակութեան Զօրաշարժ Հ.Օ.Մ.-ի Կողմէ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles