Հ.Յ.Դ. «Նիկոլ Աղբալեան» Ուսանողական Միութիւնը Լծուած Է Գործի

0 0
Read Time:56 Second

 

ԵՐԵՒԱՆ․- Պսակաձեւ ժահրին պատճառով Հայաստանի մէջ յայտարարուած արտակարգ դրութեան պայմաններուն մէջ քաղաքացիներուն եւ երկրին օգտակար ըլլալու նպատակով, Հ․Յ․Դ․ «Նիկոլ Աղբալեան» ուսանողական միութեան անդամները եւս միացան ժահրի դէմ պայքարին

Ըստ միութեան վարչութեան ներկայացուցիչ Հռիփսիմէ Արշակեանի, այս օրերուն առաւել քան երբեք կարիք կայ քաղաքական տարբեր հայեացքներու տէր, ընդդիմադիր կամ իշխանական ուժերու մէկտեղման: «Բնականաբար` ասիկա նաեւ ինչ որ տեղ օժանդակութիւն է պետական միջոցառումներուն, հակահամաճարակային այն ծրագիրներուն, որոնք կ’իրականացնէ առողջապահութեան նախարարութիւնը, արտակարգ իրադրութեան պայմաններուն մէջ` պարէտատունը եւ այլոք», յայտնեց ան` աւելցնելով, որ իրենք այս օրերուն բարոյապէս անթոյլատրելի կը նկատեն քաղաքական դրդապատճառներէ մեկնած հակադրուիլը եւ մէկդի քաշուիլը:

Ուսանողական միութեան անդամները յատուկ դեղերով կը հականեխեն հանրակառքեր, կանգառներ, «Թաքսի»-ներ, մարդոց կը բաժնեն ձեռնոցներ, դիմակներ`ժահրին դէմ առաւել արդիւնաւէտ պաշտպանուելու համար:

Հասարակութեան արձագանգէն շատ գոհ են ուսանողական միութեան անդամները, որովհետեւ մարդիկ ո՛չ միայն չափազանց դրական կ’ընդունին, այլեւ շատերուն կողմէ կը լսուին երախտագիտութեան խօսքեր: «Մարդիկ կան, որոնք հեռուէն իրենք կը մօտենան, կը խնդրեն  պարագաներ կամ ախտահանել իրենց մեքենաները, գրասենեակի կամ խանութի դրան բռնակները եւ այլն: Այսինքն` մարդիկ կարիք ունին նման ծրագիրներու եւ աջակցութեան, եւ, կը կարծենք, պետական օղակները եւս պէտք է նկատի առնեն այս ամէնը», եզրակացուց Արշակեան։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՍԼԱՔՆԵՐ.- ՊՍԱԿԱՁԵՒ ԺԱՀՐԸ ԿԸ ՅԻՇԵՑՆԷ… Յ. ՊԱՐՈՆԵԱՆԸ
Next post Շուշիի Կոտորածի 100-րդ Տարելից.- Արցախի Արտաքին Գործոց Նախարարութեան Յայտարարութիւնը

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles