Նիւ Ճըրզիի Մէջ՝ Դասախօսութիւն․- «Կնոջ Դերը Հայ Կեանքին Մէջ»

0 0
Read Time:58 Second

 

Կեդրոնական Նիւ Ճըրզիի Էլպըրոն աւանի Սուրբ Ստեփանոս եկեղեցւոյ մէջ, յաւարտ սուրբ պատարագի, տեղի ոնեցաւ դասախօսութիւն մը, նիւթը՝ «Կնոջ դերը հայ կեանքին մէջ»։ Դասախօսն էր Յարութիւն Մըսրլեանը, որ երկլեզու սահիկներ գործածելով, հանրութեան ներկայացոց հայ կնոջ աւանդական, այնինքն նահապետական, դերէն դուրս գալու պայքարին, հակիրճ պատմականը։

Մըսրլեան կեդրոնացաւ առաջին կին գրող ռահվիրաներուն վրայ։ Սկսելով պոլսահայ Սրբուհի Տիւսաբէն (ամուսնացած ֆրանսացիի մը հետ), ան անցաւ Զապէլ Եսայեանին։ Մըսրլեան մանրամասնօրէն ներկայացուց Եսայեանի կեանքը, 1915-ի եղեռնէն մազապուրծ փրկութիւնը, ինչպէս նաեւ Հայաստանի խորհդային կայքերուն հաստատումէն ետք, ընտանեօք ներգաղթը։ Ան կեդրոնացաւ Եսայեանի գլուխ գործոցին՝ «Սիլիհտարի Պարտէզները» գիրքին վրայ որ, վերջերս աﬔրիկահայ երիտասարդուհիի մը կողմէ, անգլերէնի թարգմանուած էր։ Եսայեան, ինչպէս ծանօթ է բոլորիս, 1937-ին ձերբակալուեցաւ իբր ազգայնական գործիչ եւ աքսորուեցաւ Սիպերիա։

Դասախօսութեան երկրորդ մասին մէջ, Մըսրլեան հանրութեան ծանօթացուց ոչ ﬕայն հայ կին գրողները, այլ նաեւ աստղաբաշխները, որոնցմէ կարգին է յիշել ՝ Մարի Փարիս Փիշﬕս (ծնեալ Սուգիասեան)։ Ան առաջին կինն էր որ Պոլսոյ համալսարանէն դոկտորական վկայական (PHD) ստացաւ։ Ապա, Մըսրլեան խօսեցաւ դեսպան՝ Նոր Ջուղացի Տիանա Աբգարի մասին, որ եղաւ Հայաստանի առաջին հանրապետութեան Ճափոնի դեսպանը։

Դասախօսոթեան աւարտին, Մըսրլեան, Երեւանի Հանրապետութեան հրապարակի վրայ տեղի ունեցած, հայ կնոջ օրուայ ձեռնարկներուն նկարները հանրութեան ներկայացուց։ Ձեռնարկը փակուեցաւ դասական երաժշտութեան հաﬔրգով մը, ներրկայացուած երիտասարդներու կողմէ։

Ռ․Շ․

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ՀԱՅՈՑ ԱՅԲՈՒԲԵՆԸ» ՓՈՐԱԳՐԱՆԿԱՐԸ
Next post Ա․Մ.Ն. Արեւելեան Շրջանի Հ.Մ.Ը.Մ.-ի Վարչութիւններու Դիւաններու Խորհրդաժոով

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles