Կիպրոսի Մէջ` Արցախի Բարեկամներու Շրջանակ

0 0
Read Time:42 Second

ՆԻԿՈՍԻԱ.- Մարտ 6-ի երեկոյեան, Կիպրոս կղզին երկուքի բաժնող՝ «Կանաչ Գիծ»-ի վրայ գտնուող հանդիսարահին մէջ տեղի ունեցաւ յատուկ ձեռնարկ-ընդունելութիւն, կազմակերպուած Կիպրոսի Հայ Դատի Յանձնախումբի կողմէ, որու ընթացքին յայտարարուեցաւ Արցախի Բարեկամներու Շրջանակը, բաղկացած յոյն-կիպրացի քաղաքական կուսակցապետերէ եւ երեսփոխաններէ, ինչպէս նաեւ՝ ակադեմականներէ եւ լրագրողներէ։

Ձեռնարկին յատուկ հրաւէրով ներկայ գտնուեցաւ Արցախի Հանրապետութեան Արտաքին Գործոց Փոխ-Նախարար Արմինէ Ալեքսանեան, ինչպէս նաեւ՝ Եւրոպայի Հայ Դատի գրասենեակի նախագահ Գասպար Կարապետեան։ Ներկայ էին տեղական յոյն-կիպրական կուսակցութիւններու եւ կազմակերպութիւններու ղեկավարներ, Կաթողիկոսական Փոխանորդ Տէր Խորէն Արքեպիսկոպոս Տողրամաճեան, Պետական Ներկայացուցիչ Վարդգէս Մահտեսեան, Երեսփոխանական Ժողովի եւ Ազգային Վարչութեան անդամներ, ինչպէս նաեւ՝ համայնքի կազմակերպութիւններու ներկայացուցիչներ եւ հոծ բազմութիւն։

Ներկաներուն իր խօսքը ուղղելով, Կիպրոսի Հայ Դատի Յանձնախումբի ատենապետ Յակոբ Գազանճեան բացատրեց Արցախի Բարեկամներու Շրջանակի կազմութեան դրդապատճառները եւ ապա՝ յայտարարեց խմբակի անդամներուն անունները։ Խօսք առին նաեւ Արցախի Հանրապետութեան Արտաքին Գործոց Փոխ-Նախարար Արմինէ Ալեքսանեան եւ Եւրոպայի Հայ Դատի գրասենակի նախագահ Գասպար Կարապետեան։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Յունաստանի նախագահը ընդունեց Հ.Յ.Դ. Բիւրոյի ներկայացուցիչին
Next post ԹՈՒՐՔԻՈՅ ՆԱԽԱԳԱՀԻՆ ՊԱՏԵՀԱՊԱՇՏՈՒԹԻՒՆԸ ԵՒ ԱՆԶՍՊԵԼԻ ՄԵԾԱՄՏՈՒԹԻՒՆԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles