Յունաստանի նախագահը ընդունեց Հ.Յ.Դ. Բիւրոյի ներկայացուցիչին

0 0
Read Time:1 Minute, 25 Second

ԱԹԵՆՔ.- Մարտ 6-ին,  Յունաստանի Հանրապետութեան նախագահ  Փրոքոփիս Փաւլոփուլոսը, ընդունեց աշխատանքային քառօրեայ այցելութեամբ ժամանած Հ.Յ.Դ. Բիւրոյի ներկայացուցիչ ընկ. Յակոբ Տէր Խաչատուրեանին, որուն կ՛ընկերակցէին Յունաստանի Կեդրոնական Կոմիտէի ներկայացուցիչ  Սերգօ Գույումճեան եւ անդամ Հռիփսիմէ Յարութիւնեան։

Նախագահ Փաւլոփուլոս, ջերմօրէն ողջունեց Հ.Յ.Դ. Բիւրոյի ներկայացուցիչի այցելութիւնը Յունաստան, անդրադառնալով իր սերտ ու երկարատեւ կապերուն Յունաստանի հայ համայնքին  հետ, ապա նաեւ խօսեցաւ անցեալ տարուայ վերջաւորութեան Հայաստան կատարած իր այցելութեան եւ Հայաստանի Հանրապետութեան նախագահ Արմէն Սարգսեանի հետ կայացած հանդիպման բարձր մակարդակին մասին։ Ան խանդավառութեամբ խօսեցաւ Երեւանի մէջ ունեցած պետական շփումներու բեղուն արդիւնքներուն մասին եւ զօրակցական իր անվերապահ կեցուածքը արտայայտեց հայ ժողովուրդին հանդէպ՝ Հայաստանի եւ Սփիւռքի մէջ։

Խօսակցութիւն ծաւալեցաւ Յունաստանի սահմաններուն վրայ ստեղծուած լարուած ու բարդ իրավիճակին շուրջ, որ անգամ մը եւս ցոյց կուտայ համայն հանրութեան առջեւ Թուրքիոյ որդեգրած ծաւալապաշտ գործելաձեւը, որ ճնշումներու ու սպառնալիքներու լեզուով՝ իր օգտին կը փորձէ պարտաւորեցնել Եւրոպան եւ մարդկութիւնը։

Հ.Յ.Դ. Բիւրոյի ներկայացուցիչը վստահեցուց Յունաստանի Հանրապետութեան նախագահին, որ Հ.Յ.Դաշնակցութիւնը, իր աշխարհասփիւռ կազմակերպական կառոյցով, Յունաստանի եւ յոյն ժողովուրդի անկեղծ ու պատրաստակամ գործակիցն է։ Շնորհակալութիւն յայտնեց, յունահայութեան հանդէպ երկար տարիներէ ի վեր իր ունեցած անկեղծ վերաբերմունքին համար ու համոզում արտայայտեց, թէ բարձրամակարդակ ու ջերմ յարաբերութիւնները պիտի շարունակեն պահպանուիլ ապագային եւս, բոլոր այն մարզերէն ներս, ուր Յունաստանի նախագահը պիտի շարունակէ իր գործունէութեան շրջագիծը։

Մարտ 5-ին, Հ.Յ.Դ. Բիւրոյի ներկայացուցիչ  Տէր Խաչատուրեան, հանդիպում ունեցաւ Յունաստանի մէջ Հայաստանի արտակարգ եւ լիազօր դեսպան Ֆատէյ Չարչօղլեանի հետ` Հայաստանի դեսպանութեան  մէջ:

Ողջունելէ ետք Հ.Յ.Դ. Բիւրոյի ներկայացուցիչին այցելութիւնը, Հայաստանի դեսպանին հետ հանդիպումին ընթացքին քննարկուեցան յունահայ գաղութի իրավիճակին, Հայաստան-Յունաստան յարաբերութիւններու լայն շրջագիծին, Արցախի տագնապին, Հայ դատի աշխատանքներուն վերաբերող հարցեր, ինչպէս նաեւ Հայաստան-Յունաստան-Կիպրոս եռակողմանի համաձայնագիրէն թելադրուած աշխատանքներու նիւթեր: Զրուցակիցները անդրադարձան Յունաստանի սահմաններուն վրայ ստեղծուած բարդ իրավիճակին եւ Թուրքիոյ բացասական դերակատարութեան ու կանխատեսելի զարգացումներուն:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հայրենիքէն «Հայրենիք»-ին
Next post Կիպրոսի Մէջ` Արցախի Բարեկամներու Շրջանակ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles