Հայաստան – Վրաստան՝ Համաձայնագիր

ԹԻՖԼԻՍ.- Մարտ 4-ին Հայաստանի վարչապետ Նիկոլ Փաշինեանի գլխաւորած  պատուիրակութիւնը աւարտեց իր աշխատանքները: Պատուիրակութեան մաս կը կազմէր Հայաստանի արտաքին գործոց նախարար Զոհրապ Մնացականեան, որ հանդիպում ունեցաւ Վրաստանի արտաքին գործոց նախարար Տաւիտ Զալքալիանիի հետ:

Մնացականեան եւ Զալքալիանի անդրադարձան շրջանային եւ միջազգային հրատապ հարցերու, «Քորոնա» ժահրի տարածման կանխարգիլման ուղղութեամբ ձեռնարկուող միացեալ քայլերուն: Անոնք քննարկեցին շրջանային խաղաղութեան եւ անվտանգութեան խնդիրներ: Այս պարունակին մէջ նախարար Մնացականեան ներկայացուց Լեռնային Ղարաբաղի տագնապի խաղաղ լուծման առնչութեամբ հայկական կողմին գնահատականները եւ դիրքորոշումները:

Նախարարները գոհունակութեամբ ընդգծեցին փոխադարձ յարգանքի եւ երկու ժողովուրդներուն միջեւ դարաւոր բարեկամութեան վրայ հիմնուած հայ-վրացական երկխօսութեան առկայ մակարդակը:

Be the first to comment

Leave a Reply

Your email address will not be published.


*