Ուաշինկթըն .- Ցոյց՝ Ատրպէյճանի Դեսպանատան Դիմաց 

ՈՒԱՇԻՆԿԹԸՆ․-  Մարտ 1-ին, Հայ Երիտասարդ Դաշնակցութեան «Անի» մասնաճիւղի գլխաւորութեամբ՝ բողոքի ցոյց կատարուեցաւ Ատրպէյճանի դեսպանատան դիմաց: Խաղաղ ցուցարարները դատապարտեցին Սումկայթի, Պաքուի, Կիրովապատի, Մարաղայի մէջ` Ատրպէյճանի իշխանութիւններու իրագործած ոճրագործութիւնները,պահանջելով արդարութիւն եւ հատուցում։

Ցոյցին մասնակիցները ծածանեցին Արցախի դրօշը, նշելով, որ երկարատեւ խաղաղութեան կարելի է հասնիլ` միայն յարգելով Արցախի ժողովուրդի ինքնորոշման իրաւունքը: Ներկաները նաեւ մտահոգութիւն յայտնեցին, որ «Մատրիտեան սկզբունքներ»-ը ընդունելու հարցով Հայաստանի եւ Արցախի Հանրապետութիւններու նկատմամբ գործադրուող ճնշումը կը բարձրանայ:

Հայ Դատի յանձնախումբը նշեց, թէ ամէն տարի այս հաւաքները կը կատարուին ի յիշատակ անմեղ զոհերուն։

 

 

Be the first to comment

Leave a Reply

Your email address will not be published.


*