ՆԻՒ ԵՈՐՔ․- ՍԱՐԿԱՒԱԳՆԵՐՈՒ ՍԵՄԻՆԱՐ՝ ՍՈՒՐԲ ՍԱՐԳԻՍ ԵԿԵՂԵՑՒՈՅ ՄԷՋ

0 0
Read Time:1 Minute, 6 Second


Շաբաթ, Փետրուար 22ին, բարեջան առաջնորդ՝ Գերշ. Տ. Անուշաւան արք. Դանիէլեանի հովանաւորութեամբ, Ա․Մ․Ն․ Արեւելեան թեմի Կրօնական Ժողովը սարկաւագներուն նուիրուած սեմինար մը կազմակերպեց, Սուրբ Սարգիս (Տակլըսթըն, Նիւ Եորք) եկեղեցւոյ մէջ։ Սեմինարին ներկայ էին սարկաւագներ ու կիսասարկաւագներ հետեւեալ եկեղեցիներէն.- Ս. Խաչ եկեղեցի (Պեթեստա, Մէրիլընտ), Ս. Վարդանանց եկեղեցի (Ռիճֆիլտ, Նիւ Ճըրզի), Ս. Խաչ եկեղեցի (Թրոյ, Նիւ Եորք), Ս. Լուսաւորիչ Մայր Եկեղեցի եւ Ս. Սարգիս եկեղեցի (Նիւ Եորք)։
Առաւօտեան արարողութենէն ետք, Առաջնորդ Սրբազան Հայրը ողջունեց բոլոր ներկաները եւ իր ուրախութիւնը յայտնեց մեծ թիւով մասնակցիներու ներկայութեան համար։ Ս. Սարգիս եկեղեցւոյ հոգեւոր հովիւ՝ Տ. Նարեկ քհն. Թրթռեան խօսեցաւ եկեղեցական կեանքին մէջ սարկաւագի դերին մասին։ Այնուհետեւ, Ս. Լուսաւորիչ Մայր Եկեղեցւոյ հոգեւոր հովիւ՝ Տ. Մեսրոպ քհն. Լագիսեան, ներկայացուց Արեւագալի եւ Հսկումի արարողութիւնները։ Կէսօրուան արարողութենէ ետք, ներկաները հիւրասիրուեցան եկեղեցւոյ Տիկնանց Միութեան կողմէ։ Երկրորդ նիստին, առաջնորդական փոխանորդ եւ Ս. Վարդանանց եկեղեցւոյ հոգեւոր հովիւ՝ Հ. Սահակ Ծ. վրդ Եմիշեան, խօսեցաւ շարականներու ծագման ու զարգացման մասին, որուն հետեւեցաւ աշխատանքային նիստ մը Ս. Պատարագի մասին, զոր կը ղեկավարէր Ս. Խաչ եկեղեցւոյ (Պեթեստա, Մէրիլընտ) հոգեւոր հովիւ՝ Տ ․ Սարգիս Ա. քհն. Ագթաւուգեան։ Սեմինարը փակուեցաւ երեկոյեան արարողութեամբ։
Մասնակից սարկաւագները խանդավառօրէն արձագանգեցին այս դասընթացքին։ Յաջորդ շրջանային սեմինարը տեղի պիտի ունենայ Շիքակոյի մէջ, Մարտ 2-1ին, որուն պիտի հետեւի ընդհանուր սեմինար մը Արեւելեան թեմի բոլոր եկեղեցիներու սարկաւագներուն համար, որ տեղի պիտի ունենայ Յունիս 12-13ին, Ս. Վարդանանց եկեղեցւոյ (Նիւ Ճըրզի) եւ Ս. Լուսաւորիչ Մայր Եկեղեցւոյ մէջ (Նիւ Եորք)։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅՐԵՆԻՔԷՆ՝ «ՀԱՅՐԵՆԻՔ»-ԻՆ
Next post ԴՐԱԽՏՆ ՈՒ ՆԱԽԱՄԱՐԴԸ ՆԿԱՐՆԵՐՈՒՆ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles