Հայ Դատի Խորհրդաժողով․- «Արցախի Ճանաչման Խնդիրը Հայ Դատի Առաջնահերթութիւններէն Է», Կը Յայտնէ Յակոբ Տէր Խաչատուրեան

0 0
Read Time:6 Minute, 11 Second


ԵՐԵՒԱՆ, ՍՏԵՓԱՆԱԿԵՐՏ․- Փետրուար 24-ին, բացումը կատարուեցաւ Հայ Դատի յանձնախումբերու եւ գրասենեակներու խորհրդաժողովին, որուն կը մասնակցին Հայ Դատի աւելի քան քսան յանձնախումբերէ եւ գրասենեակներէ յիսուն ներկայացուցիչներ:
Հ.Յ.Դ. Բիւրոյի ներկայացուցիչ Յակոբ Տէր Խաչատուրեան խօսք առնելով հաստատեց, որ Հայաստանի սահմանին կանգնած զինուորին թիկունքը հայկական երկրորդ բանակն է՝ Հայ Դատի յանձնա-խումբերու ցանցը, որ աշխարհի տարածքին կը պաշտպանէ հայութեան շահերը։ Ան մատնանշեց այն 4 ուղղութիւնները, որոնց շեշտադրումով կ՛աշխատին Հայ Դատի գրասենեակները, եւ որոնք պիտի քննարկուին նշեալ խորհրդաժողովին։
Առաջինը Հայաստանի ու Արցախի Հանրապետութիւններու ուղղութիւնն է. Հայաստանի Հանրապետութեան պարագային, Հայ Դատի յանձնախումբերը պետականութեան ամրապնդման աշխատանքին լծուած են, ըսաւ Յակոբ Տէր Խաչատուրեան՝ աւելցնելով, որ Արցախի պարագային առաջնահերթութիւնը նախ՝ ազատագրումէն ետք հիմնահարցի լուծում գտնելն է ինքնորոշման իրաւունքի կիրառումով, միւս կողմէ, Արցախի ճանաչման հարցը ուղղակիօրէն յառաջ մղել։
Երկրորդ ուղղութիւնը, ըստ անոր, Ցեղասպանութեան միջազգային ճանաչման հարցն է մինչեւ վերջնանպատակ` Թուրքիոյ կողմէ Ցեղասպանութեան ճանաչում եւ պահանջատիրութիւն: Երրորդը հայապատկան հողերու վրայ հայութեան իրաւունքներու հարցն է: Ան շեշտեց, որ Հայաստանէն աքսորի 70 երկար տարիներուն աշխատանք տարուած է, որ հայութիւնը մնայ միասնական, հայրենակեդրոն եւ սփիւռքի մէջ կազմակերպուի ան ու իր աշխատանքը:
Երրորդը՝ հայապատկան հողերու վրայ հայութեան իրաւունքներու հարցն է։ Հայաստանէն աքսորի 70 երկար տարիներուն, Հ.Յ.Դաշնակցութիւնը աշխատանք տարած է, որ հայութիւնը մնայ միասնական, հայրենակեդրոն եւ Սփիւռքի մէջ կազմակերպուի անոր աշխատանքը։
Ըստ Յակոբ Տէր Խաչատուրեանին՝ այս բաժինին վերջին ենթամասը յարաբերութիւններն են Արեւմտեան Հայաստանի մէջ գործող այլ ազգային փոքրամասնութիւններու՝ քիւրտերու, տերսիմցիներու եւ լեզկիներու հետ, նաեւ աշխարհի տարածքին գործակցութիւնը ներկայացուցիչներուն հետ այն ժողովուրդներուն, որոնք հայերուն նման անցեալ եւ նման ճակատագիր ունեցած են, երբ Օսմանեան կայսրութեան մաս կազմած են. յոյն, ասորի ու կիպրացի գաղութներուն մասին է խօսքը։
Չորրորդ եւ վերջին ուղղութիւնը հայ ժողովուրդի քաղաքականացման հարցն է, բայց մանաւանդ երիտասարդութեան քաղաքականացումէն ետք զայն տարբեր աշխատանքներու մղելը. «Որպէսզի երբեմն ալ բերդը ներսէն գրաւենք»։
Տէր Խաչատուրեան յայտնեց, որ Հայ Դատի գրասենեակները շարունակական կապի մէջ են արտաքին գործոց նախարարութիւններու հետ՝ թէ՛ Հայաստանի, թէ՛ Արցախի պարագային, որպէսզի թէ՛ համադրեն կատարուած աշխատանքը եւ թէ մօտեցումները տարբեր ըլլալու պարագային, փոխանակեն տեղեկատուութիւնը։
Հայ Դատի եւ քաղաքական հարցերու գրասենեակի ղեկավար Կիրօ Մանոյեան, անդրադառնալով Միւնիխի մէջ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի բանավէճին եւ վարչապետին հասցէին կատարուած քննադատութիւններուն՝ ըսաւ, որ ինք չի կիսեր այն մօտեցումը, թէ նման հրապարակային բանավէճի ատեն կ՛ըսեն՝ ասիկա ըսաւ, ատիկա չըսաւ։ «Դա բանակցութիւն չէ, դա ընդամէնը սահմանափակ ժամանակով, սահմանափակ հնարաւորութիւններով բանավէճ է. թէ բանավէճն ինչ տուեց, դա ուրիշ հարց է: Բանավէճը կողմերից ոչ մէկի շահերից չէր բխում, ոչ էլ բանակցութիւնների շահերից էր բխում, այն պարզապէս կազմակերպիչների շահերից էր բխում: Կազմակերպիչները յաջողեցին կողմերից երկուսի ղեկավարներին հրապարակաւ բանավէճի հանել, այդքանը: Բայց ասել, որ սա ասաց մեր վարչապետը, այն չասաց մեր վարչապետը, դա չէ չափանիշը որոշելու՝ այս իշխանութիւնների քաղաքականութիւնն ինչ է», ըսաւ ան:
Ստեփանակերտի Ազգային ժողովի դահլիճին մէջ, Փետրուար 25-ին, շարունակուեցաւ խորհրդաժողովը: Խորհրդաժողովը երկրորդ անգամ ըլլալով կը կատարուի Արցախի մէջ։ Առաջինը՝ 2016-ին տեղի ունեցած էր։ Բացման արարողութեան ներկայ եղան նաեւ Հայ Առաքելական Եկեղեցւոյ Արցախի նախագահ Բակօ Սահակեան, թեմի առաջնորդ Պարգեւ արքեպիսկոպոս Մարտիրոսեանը, Ազգային ժողովի նախագահ Աշոտ Ղուլեանը եւ պաշտօնատար այլ անձեր:
Բացման խօսքով հանդէս եկաւ Հ․Յ․Դ․ բիւրոյի ներկայացուցիչ՝ Յակոբ Տէր Խաչատուրեան: Ան յայտնեց, թէ մասնակիցները եկած են Արցախ՝ անգամ մը եւս ապացուցելու, որ իրենք անխոնջ պիտի աշխատին, որպէսզի ՀՀ-ն մնայ յաւերժական, հզօր, անվտանգ եւ զարգացող:
«Ազգային-ազատագրական պայքարին իբրեւ արդիւնք ծնած ծաղկող Արցախի Հանրապետութիւնը բոլորի գուրգուրանքին առարկան պէտք է մնայ, որպէսզի զարգանայ առանց զիջումներու: Անհրաժեշտ է, որ բոլորս միասին աշխատնինք, որպէսզի արեամբ ու քրտինքով ձեռք բերուած Արցախի ազատագրումը չմսխուի դիւանագիտական սեղաններու շուրջ: Արցախի ազատագրումը, անկախացումը, եւ ի վերջոյ, Հայաստանին միացումը կարեւորագոյն առաջնահերթութիւն է Հայ Դատի համար: Արցախով է, որ գործնական կը դառնայ ամբողջական մեր Հայաստանի տեսլականի առաջին կարեւորագոյն հանգրուանը: Արցախի գոյամարտով պիտի սնուի մեր երիտասարդութիւնը եւ նոր սերունդը՝ վկայելով, որ ժողովուրդի մէջ անմար կը մնան յեղափոխական սխրանքը, ազատատենչութիւնը եւ մեր իրաւունքներու յանձնառութիւնը: Մենք եկած ենք Արցախ՝ մէկ անգամ եւս շեշտելու, որ Արցախը ամէն գնով պէտք է պաշտպանել, ապահովել միջազգային երաշխիքներ եւ այլն: Մենք այստեղ ենք, որպէսզի գտնենք միջոցներ, որպէսզի մեր Ջաւախքի քոյրերն ու եղբայրները ամուր կառչած մնան իրենց հողին, որպէսզի անոնց իրաւունքները չոտնահարուին եւ անոնց դիմագիծը չխաթարուի: Պիտի քննարկենք նաեւ պոլսահայութեան իրաւունքներու խնդիրը եւ օժանդակութեան հարցերը, հայրենիքէն դուրս հայութեան խնդիրը եւ երիտասարդութեան ներգրաւումը: Ժամանակն է հաստատելու համազգային օրակարգ, որուն շուրջ պէտք է համախմբուի ողջ հայութիւնը եւ լծուի Հայ Դատի սուրբ պայքարին»,-յայտնեց Տէր Խաչատուրեան:
Արցախի նախագահ Բակօ Սահակեան բեմահարթակ բարձրանալով յայտնեց, որ Հայ Դատը այն համահայկական կառոյցն է, որ տասնամեակներ շարունակ յամառ պայքար կը մղէ մեր համազգային խնդիրներու լուծման ուղղութեամբ՝ յատուկ ուշադրութեան առարկայ դարձնելով Արցախը:
«Անհնար է պատկերացնել միջազգային հարթակներու վրայ Արցախի շահերու պաշտպանութիւնը, տարբեր երկիրներու եւ ատեաններու մէջ մեր մասին ճշմարտացի տեղեկութիւններու տարածումը, Արցախի Հանրապետութեան միջազգային ճանաչման ուղղուած քայլերու իրականացումը, բազմաթիւ պետութիւններու եւ անոնց կեդրոններու հետ կապերու հաստատումն ու խորացումը, մեր հանրապետութեան մէջ զանազան ծրագրերու իրականացումը առանց Հայ Դատի գործուն մասնակցութեան, անոր մեծածաւալ եւ անձնուէր աշխատանքին»,- ըսաւ նախագահը, որ բացման Հայ Դատի կեդրոնական խորհուրդը պարգեւատրեց «Երախտագիտութիւն» մետալով՝ Արցախի Հանրապետութեան միջազգային ճանաչման ուղղուած գործունէութեան, Արցախ-Սփիւռք կապերու ամրապնդման զարգացման գործին մէջ ներդրած նշանակալի աւանդին համար:
Հ․Յ․Դ․ Արցախի Կեդրոնական Կոմիտէի ներկայացուցիչ Դաւիթ Իշխանեանի խօսքով՝ այս Հայ Դատի յանաձնախումբերու եւ գրասենեակներու նուիրեալները, բոլորէն լաւ գիտեն, որ Արցախով կ՝անցնի հայու լինելիութեան մայր ճանապարհը եւ այդ ուղին պէտք է զերծ պահել օտարածին թափանցումներէ եւ քաղաքական սայթաքումներէ:
«Երեսուն տարի առաջ Հ․Յ․ Դաշնակցութիւնը, զգալով վերահաս վտանգը, վերադարձաւ Արցախ՝ կամաւորի ազնիւ մղումներով, առաջինը նետուեցաւ մարտի դաշտ ու պայքարի կոչ ըրաւ: Դաշնակցութիւնը կորսնցուց իր գաղափարակից մարտիկներու ամբողջ բանակ մը, որովհետեւ անոնց համար կուսակցութեան գաղափարախօսութիւնը վեր էր ամէն ինչէ ու, յանուն ատոր, չխուսափեցան սեփական կեանքը նուիրաբերելէ: Զոհաբերութեան գնով կեանք առին յաղթանակները, Դաշնակցութիւնը անկախութեան գաղափարը դարձուց հաւատամք, դարձաւ Ազատ Արցախի պետականակերտման անտրտունջ շինարարներէն մէկը, եւ այսօր ալ կը շարունակէ: Հայ Դատի յանձնախումբերը, իրենց գործունէութեան կիզակէտին պահելով Արցախի ճանաչման դժուարին առաքելութիւնը, նիւթական ու մարդկային նուաստ միջոցներով՝ բայց նպատակի գիտակցումով օրն ի բուն կը պայքարին՝ ամէն պահ զգալով ատրպէյճանական եւ թրքական նենգ քարոզչութեան հարուածները: Անոնք չեն վախնար, անոնք կը հակադարձեն պատմական ճշմարտութեամբ, չեն կաշառեր մարդոց, որ վերջիններս ամպիոններէն սուտեր բարձրաձայնեն: Անոնք կաթիլ առ կաթիլ կը մատուցեն ճշմարտութիւնը՝ յանուն արդարութեան: Այսօր պիտի ամփոփենք եղածը եւ պիտի խօսինք ընելիքներու մասին», եզրակացուց Իշխանեան:
Հայ դատի եւ քաղաքական հարցերու գրասենեակի ղեկավար Կիրօ Մանոյեան` անդրադառնալով Միւնիխի մէջ Հայաստանի վարչապետ Նիկոլ Փաշինեանի ու Ատրպէյճանի նախագահ Իլհամ Ալիեւի բանավէճին եւ վարչապետին հասցէին կատարուած քննադատութիւններուն, ըսաւ, որ չի կիսեր այն մօտեցումը, թէ նման հրապարակային բանավէճի ժամանակ կ’ըսեն` ասիկա ըսաւ, ատիկա չըսաւ: «Ատիկա բանակցութիւն չէ, ատիկա միայն սահմանափակ ժամանակով, սահմանափակ առիթներով բանավէճ է. թէ բանավէճը ի՛նչ տուաւ, ատիկա ուրիշ հարց է: Բանավէճը կողմերէն ոչ մէկուն շահերէն կը բխէր, ոչ ալ` բանակցութիւններու շահերէն, անիկա պարզապէս կազմակերպիչներու շահն էր: Կազմակերպիչները յաջողեցան կողմերու ղեկավարները հրապարակաւ բանավէճի հանել, այդքա՛ն: Բայց ըսել, որ այս ըսաւ մեր վարչապետը, այն չըսաւ մեր վարչապետը, ատիկա չէ չափանիշը որոշելու այս իշխանութիւններու քաղաքականութիւնը», շեշտեց ան:
Միացեալ Նահանգներու Հայ դատի յանձնախումբի ներկայացուցիչ Րաֆֆի Համբարեան ըսաւ, որ իրենց համար ներկայիս կարեւորագոյն աշխատանքը այն է, որ Ամերիկայի կողմէ Արցախին տրուող օգնութիւնը շարունակական ըլլայ: «Հոս գործունէութեան մեծ դաշտ կայ, այդ բանավէճերը տեղի կ’ունենան Քոնկրեսի, Սպիտակ տան հետ, կան անձեր, որոնք կ’ուզեն այդ օգնութիւնը դադրեցնել: Մենք այս առումով պատերազմական դաշտի մէջ ենք: Նախորդ շաբաթ մօտ քառասուն հազար ե-նամակ ուղարկեցինք Քոնկրէսին, 10 հազար ամերիկահայ նամակ` քոնկրէսականներուն, որ այդ օգնութիւնը շարունակուի», տեղեկացուց Համբարեան, աւելցնելով վերջերս Քոնկրէսին կողմէ Հայոց ցեղասպանութիւնը ճանչցող բանաձեւին` Րաֆֆի Համբարեան ըսաւ. «Մեր նպատակը արդարութեան հասնիլն է, իսկ ատիկա պիտի ըլլայ, երբ որ Սպիտակ տունը եւս խզէ լռութիւնը Ցեղասպանութիւնը ճանչնալու հարցով: Քոնկրեսին որոշումը դրական էր, հիմա յաջորդ քայլը Սպիտակ տունն է, երբ հոն եւս մերժումը յաղթահարենք, արդարութիւնը աւելի մօտ պիտի ըլլայ հայ ժողովուրդին համար: Մենք հիմա այդ պայքարը կը մղենք, վստահ եմ, որ պիտի շահինք: Արդարութիւնը պիտի գայ, հարցը միայն ժամանակն է: Մեր աշխատանքը այդ արդարութիւնը աւելի արագ բերելու մէջ է», եզրակացուց Րաֆֆի Համբարեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հայաստանի Հ.Յ.Դ. Երիտասարդական Միութեան Պատգամաւորական Ժողով
Next post Անգլիոյ Օքսֆորտ  Համալսարան – Դասախօսութիւն՝  «Քրիստոնեայ Ներկայութիւնը Արաբական Ծոցի Տարածաշրջանի մէջ»

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles