Գառնիի Մէջ Փետրուարեան Ապստամբութեան Նշում

0 0
Read Time:1 Minute, 27 Second

ԵՐԵՒԱՆ․- 1921-ին Փետրուարեան ապստամբութեան օրերուն Գառնին այն հիմնական ուղղութիւններէն էր, ուր սկիզբ առաւ եւ ընթացաւ  անկախութեան վերականգման պայքարը: Ամէն տարի Գառնիի մէջ` գառնեցի յայտնի գործիչներ Խնկոյի եւ Մակեդոնի, խմբապետներ Վարդանի, Արտուշի, Մարտիրոսի ու Ղազարի գերեզմաններուն մօտ տեղի կ՛ունենայ խնկավառութիւն` ի յիշատակ Հայաստանի ազատագրութեան համար մարտնչած հայորդիներուն:

Այս տարի ալ, հակառակ աննպաստ օդին, տեղի ունեցաւ հաւաք, նշելու համար 99-ամեակը։

Ձեռնարկին մասնակիցները, որոնց կարգին էին նաեւ Հ․Յ․Դ․ Հայաստանի Գերագոյն մարմինի անդամներ, Հ․Յ․Դ․ Գառնիի  կոմիտէութեան անդամները եւ շարք մը այլ հասարակական-քաղաքական եւ կուսակցական գործիչներ, այցելեցին Գառնիի Սուրբ Աստուածածին եկեղեցւոյ բակին մէջ թաղուած խմբապետներ Խնկոյի եւ Մակեդոնի, այնուհետեւ` գիւղական գերեզմանատան մէջ թաղուած խմբապետներ Վարդանի եւ Արտուշի գերեզմանները, ապա ուղղուեցան Գառնի տանող ճամբուն վրայ գտնուող պանթէոն: Այստեղ կը հանգչին նաեւ Արցախեան հերոսամարտին եւ զինադադարի շրջանին զոհուած մարտիկները:

Հ․Յ․Դ․ Հայաստանի Գերագոյն մարմինի անդամ Արծուիկ Մինասեան խօսք առնելով ըսաւ․- «Այսօր այն օրն է, երբ Հայաստանի Հանրապետութեան ազատագրութեան մասնակցած եւ Առաջին հանրապետութիւնը կերտածները ապստամբեցան եւ կրցան վերահաստատել հայ ժողովուրդին ազատ ապրելու իրաւունքը. 99 տարի առաջ այս օրը պոլշեւիկեան լուծին տակ առկայ պայմաններուն մէջ կազմակերպուեցաւ ապստամբութիւն մը, զոր պոլշեւիկները կը բնութագրէին իբրեւ «արկածախնդրութիւն», իսկ իրականութեան մէջ անիկա ազատագրական ապստամբութիւն էր, որովհետեւ բռնութիւնները եւ դաժան վերաբերմունքը խորհրդային կարգերու հաստատման պահէն տիրած էին ամբողջ Հայաստանի մէջ, եւ անոնց զոհ գացին բազմաթիւ հայորդիներ»: Այս մասին Գառնի գիւղին մէջ Փետրուարեան ապստամբութեան մասնակցած հայ խմբապետներու եւ մարտիկներու շիրիմներուն առջեւ յայտարարեց

Մինասեան նշելով, որ Փետրուար 18-ը շատ կարեւոր խորհուրդ ունի, որն է` երբեք չդադրիլ ազգային արժեհամակարգին մաս կազմելէ, երբեք չդադրիլ մտածելէ, որ դուն հայ ես եւ այս օրը հայկական պետականութեան, ինքնութեան համար պայքարի եւ անոր ամրապնդման օր է` աւելցնելով, որ Փետրուարեան ապստամբութիւնը ցոյց տուաւ, որ հայ ժողովուրդը իր վճռականութեամբ պատրաստ է նոյնիսկ պոլշեւիկներու դէմ կռուելու, եթէ անոնց նպատակը հայ տեսակը վերացնելն է:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՆՐԱՔՈՒԷՆ ԻՆՔՆԱԴՐՍԵՒՈՐՈՒԵԼՈՒ ԵՒՍ ՄԷԿ ԱՌԻԹ
Next post Հայոց Ցեղասպանութիւնը Յարգելու Որոշման Նախագիծ՝ Ուքրայինայի Խորհրդարանին Մէջ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles