ՏԻԹՐՈՅԹ․- ՀԱՅ ԴԱՏ ՀԱՆԴԻՊՈՒՄ՝ ՆԵՐԿԱՅԱՑՈՒՑԻՉ ՀԱԼԻ ՍԹԻՎԸՆԶԻ ՀԵՏ


ՏԻԹՐՈՅԹ (Միշիկըն),- Վերջերս, Միշիկընի Հայ Դատի յանձնախումբէն պատուիրակութիւն մը, այցելեց ներկայացուցիչ Հալի Սթիվընզի (Դեմոկրատական), շնորհալաութիւն յայտնելու անոր կատարած գործակցութեան, թէ՛ հայոց ցեղասպանութեան ճանաչման թիւ 296 բանաձեւի եւ թէ՛ Հայաստանի կատարուելիք օժանդակութեամն առընչութեամբ։
Հայ Դատի պատուիրակութեան մաս կը կազմէին Ծովինար Համագործեան, Սեպուհ Համագործեան եւ Ռաֆֆի Ուրլեան։ Սթիվընզ գոհունակութեամբ յայտնեց, թէ պիտի շարունակէ հետեւողական կերպով գործակցիլ Հայ Դատի հետ, շարունակ թիկունք կանգնելով ի նպաստ Հայաստանի եւ Արցախի որոշումներուն։
Տեսակցութեան ընթացքին, նաեւ կատարուեցաւ անդրադարձ, շրջանի նորակառոյց հայ կեդրոնին, որ կը գտնուի իր ղեկավարած շրջանէն ներս։ ,Մեծ խանդավառութեամբ կը սպասեմ նոր կեդրոնի բացման հադիսութեան օրը։ Վստահ եղէ՛ք, թէ անպայման ներկայ պիտի ըլլամե, ըսաւ Սթիվընզ։
Հայ Դատի յանձնախումբի անունով, խօսք առաւ Ծովինար Համագործեան եւ յայտնեց թէ,- ,Միշիկընի Հայ Դատի յանձնախումբին անունով շնորհակալութիւն կը յայտնենք։ Թիկունք կանգնելով Հայ Դատին, ներկայացուցիչ Սթիվընզ փաստեց, թէ կը մնայ մօտիկ բարեկամ եւ գործընկերե։
Իսկ Ռաֆֆի Ուրլեան աւելցուց, թէ պիտի շարունակուի ներկայացուցիչ Սթիվընզի հետ գործակցութիւնը, յատկապէս Արցախի գծով առնուելիք որոշումներու բնագաւառէն ներս։

Ձախէն աջ՝ Ռաֆֆի Ուրլեան, ներկայացուցիչ Հալի Սթիվընզ, Ծովինար Համագործեան եւ Սեպուհ Համագործեան

Be the first to comment

Leave a Reply

Your email address will not be published.


*