Եւրոպայի Խորհուրդի Խորհրդարանական Վեհաժողով.- Պաքուի Ջարդերու 30-րդ Տարելիցին Առիթով՝ Հայկական Պատուիրակութեան Յայտարարութիւնը

0 0
Read Time:1 Minute, 6 Second


ՍԹՐԱԶՊՈՒՐԿ․- Պաքուի հայ բնակչութեան զանգուածային ջարդերու 30-րդ տարելիցին առիթով Եւրոպայի Խորհուրդի Խորհրդարանական Վեհաժողովին  մէջ հայկական պատուիրակութիւնը հանդէս եկաւ Յունուար 31, 2020 թուակիր յայտարարութեամբ մը, որուն մէջ կը նշուի․-

13-էն 19 Յունուար 1990-ին Խորհրդային Ատրպէյճանի մայրաքաղաք Պաքուի մէջ ապրող հարիւր հազարաւոր հայեր ենթարկուեցան զանգուածային ջարդերու, ազգութեամբ հայ բնակչութեան դէմ եղան կազմակերպուած յարձակումներ, ինչ որ Ատրպէյճանի քաղաքականութեան դրսեւորումն էր: Հարիւրաւոր հայեր սպաննուեցան, հետապնդուեցան եւ տեղահանուեցան: Ոչնչացման սպառնալիքի ներքեւ շուրջ 250.000 հայ ստիպուած եղաւ փախուստի դիմել Ատրպէյճանէն:

Պաքուի ջարդերը դարձան հայերու հանդէպ ազգայնամոլութեան եւ այլատեացութեան (հայատեացութեան) պետական քաղաքականութեան գագաթնակէտը: Հակառակ միջազգային հանրութեան, մարդու իրաւունքներով զբաղող միջազգային կազմակերպութիւններու եւ Եւրոպական խորհրդարանի (1988, 1990, 1991-ի բանաձեւերուն) արձանագրած փաստերուն` Ազրպէյճանի իշխանութիւնները կը հերքեն այս յանցագործութիւնները, կը խուսափին պատասխանատուութենէ: Այդ վայրագութիւններէն 30 տարի ետք չկայ յարգանք եւ կարեկցանք Ազրպէյճանի մէջ հայկական ջարդերուն զոհերուն նկատմամբ: Այն ազրպէյճանցիները, որոնք փորձեցին խօսիլ ջարդերուն մասին, պաշտօնապէս կը նկատուին դաւաճաններ:

Այս առնչութեամբ, մենք`

– կ՛ոգեկոչենք Պաքուի ջարդերու զոհերու յիշատակը,

– կը դատապարտենք ցեղապաշտութեան եւ այլատեացութեան որեւէ դրսեւորում,

– կը վերահաստատենք, որ մարդկութեան նկատմամբ գործուած յանցագործութիւնները վաղեմութեան ժամկէտ չունին, եւ կը շեշտենք, որ նախապէս գործուած յանցագործութիւններու դատապարտումը ամէնէն կարեւոր երաշխիքն է նոր յանցագործութիւնները կանխելու համար,

– կը դատապարտենք, որ ջարդերու կազմակերպիչները եւ հրահրողները տակաւին պատասխանատուութեան չեն ենթարկուած», նշուած է յայտարարութեան մէջ:

Ընդհանուր յայտարարութեան միացած եւ ստորագրած են Եւրոպայի Խորհուրդի Խորհրդարանական Վեհաժողովի շարք մը երեսփոխաններ` տարբեր երկիրներէ եւ տարբեր քաղաքական խումբերէ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Տիթրոյթի Հ.Օ.Մ.-ի «Զաւարեան» Դպրոցի Ամանորի Հանդիսութիւնը
Next post ՀԱՅԱՍՏԱՆԻ ՆԵՐԿԱՆ ԵՐԲ ԴԻՏԵՆՔ ԿՐՆԱ՞ՆՔ ՉՄՏԱՀՈԳՈՒԻԼ ԱՆՈՐ ԱՊԱԳԱՅՈՎ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles