Նիւ Ճըրզիի Նորակազմ «Լեւոն Շանթ» Թատերախումբի Ելոյթները

0 0
Read Time:59 Second

 

Կիրակի Դեկտեմբեր 8-ին, «Համազգային»-ի Նիւ Ճըրզիի նորակազմ «Լեւոն Շանթ» թատերախումբը ելոյթ ունեցաւ երկու թատերախաղերով, յաջորդաբար ներկայացնելով Զորա Յարութիւնեանի «Շրթներկ Համար Չորս» (արեւելահայերէնով) եւ Յակոբ Պարոնեանի երգիծական յօդուածներով պատրաստուած «Վալսին Վեցերորդ Ոտքը» (արեւմտահայերէնով) գործերը։

Թէեւ Համազգայինի Նիւ Ճըրզիի մասնաճիւղը անցեալին ունեցած է իր թատերախումբը, որ հանրութեան ներկայացուցած է ելոյթներ, սակայն թատերախումբին պաշտօնական կազմումը որոշուեցաւ մասնաճիւղին 2019-ի Ընդհանուր Ժողովի ընթացքին եւ թատերախումբը անուանակոչելով հայ մեծագոյն թատերագիր եւ Համազգայինի հիմնադիրներէն Լեւոն Շանթի անունով, որուն ծննդեան 150-ամեակը կը համընկնէր նոյն տարուան։

Թատերախումբին բեմադրիչն ու գեղարուեստական ղեկավարն է Վարդան Գառնիկի Յովհաննիսեանը, որ 2015-ին բեմադրած էր Ատրիանա Սեւան Նիքըլզի «Գիշեր Մը Էրզնկայի Վրայ» երկարաշունչ եւ բարձրորակ թատերախաղը՝ նուիրուած Հայոց Ցեղասպանութեան հարիւրամեակին։

Համազգայինի «Լեւոն Շանթ» թատերախումբի այս ներկայացման իրենց մասնկացութիւնը բերին գաղութէս խումբ մը դերասաններ, որոնցմէ ոմանք փորձառու են այս մարզէն ներս եւ արդէն ծանօթ են հանրութեան, ինչպէս Յարութ Թագուորեան, Աշոտ Լոկեան, Ֆլորիա Քէօշկերեան եւ Գէորգ Փայասեան, իսկ ուրիշներ առաջին անգամ ըլլալով բեմ բարձրացան, որոնց կարգին՝ Հուրի Սանոսեան, Անուշիկ Մակարեան, Դրօ Թասլաքեան եւ Դալար Փայասեան։

Բեմադրիչ Վարդան Գառնիկիի հմուտ ցուցմունքներով, իսկ դերասաններու հետեւողական աշխատանքով թատերախումբը կրցաւ ներկայացնել գեղեցիկ եւ համոզիչ դերակատարութիւն։ Կը մաղթենք որ «Լեւոն Շանթ» թատերախումբը շարունակէ իր ընթացքը եւ Նիւ Ճըրզիի հանրութեան ներկայանայ նոր ելոյթներով։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՆՇՈՒԵՑԱՒ ՀԱՅՈՑ ԲԱՆԱԿԻ 28-ԱՄԵԱԿԸ
Next post ՄՈԼՈՐԱԿԸ ՈՒՆԻ 7,637 ՄԻԼԻԱՌ ԲՆԱԿԻՉ, 2050ԻՆ Կ’ՈՒՆԵՆԱՅ 9,7 ՄԻԼԻԱՌ ԲՆԱԿԻՉ, ԱՅՍՕՐ ՈՒՆԻ 2165 ՄԻԼԻԱՌԱՏԷՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles