«Համազգային»-ի Արեւելեան Ա.Մ.Ն.-ի Շրջանային Վարչութեան 2019 «Մինաս եւ Գոհար Թէօլէօլեան» Ժամանակակից Գրականութեան  Մրցանակ

0 0
Read Time:1 Minute, 7 Second

 

Համազգային Հայ Կրթական եւ Մշակութային Միութեան Արեւելեան Ա.Մ.Ն-ի Շրջանային Վարչութիւնը կը տեղեկացնէ չորրորդ «Մինաս եւ Գոհար Թէօլէօլեան» ժամանակակից գրականութեան մրցանակաբաշխութեան արդիւնքը: 2019 տարուան մրցանակին կ՛արժանանայ  Ալան Արփաճեանի եւ Սիւզան Արփաճեան – Ճոլիի (Susan Arpajian Jolley) Ֆիլատելֆիա հաստատուած արուեստագէտ Մարի Զաքարեանի  կեանքին նուիրուած գեղագիտական երկը՝ Out of My Great Sorrows: The Armenian Genocide and Artist Mary Zakarian։

Ընտանիքի մը պատմութեան ընդմէջէն, ամբողջ ժողովուրդի մը պատմութիւնը բնականօրէն շաղկապուած փոխանցելուն համար, մրցանակակիր դարձաւ այս գործը։

Դատական կազմը հանգեցաւ այս որոշումին շատ երկար խորհրդածութիւններէ ետք, որովհետեւ ներկայացուած ստեղծագործութիւնների մեծ մասը իւրովի արժանիքներ ունէին ։

«Համազգային»ի այս մրցանակը կը կրէ հայ գրականութեան երախտաւոր, գրաքննադատ, «Հայրենիք»-ի երկարամեայ խմբագիր Մինաս Թէօլէօլեանի ու իր կողակցի` հայոց լեզուի եւ գրականութեան ուսուցչուհի Գոհար Թէօլէօլեանի անունը:
Այս մրցանակը կը շնորհուի Հիւսիսային Ամերիկայի մէջ բնակող շնորհալի հեղինակներուն: Համազգայինի հիմնական նպատակն է մրցանակի միջոցով քաջալերել այն հեղինակներուն, որոնք կը գրեն հայեցի նիւթերու մասին: Իւրաքանչիւր մրցանակակիրի նիւթական պարգեւն է $1,500: Գրութիւնները կրնան ըլլալ գրական որեւէ հիմնական ձեւի մէջ. բանաստեղծութիւն, պատմուածք, վէպ, նորավէպ, թատերգութիւն, ինչպէս նաեւ յուշագրութիւն, մտորումներ եւ գրական վերլուծութիւններ: Մրցոյթի մասնակիցները պէտք է ծագումով հայազգի ըլան եւ կամ ներկայացուած բովանդակութիւնը հայութեան վերաբերող նիւթ պարունակէ:

Այս մրցանակի նիւթական յատկացումը կատարած են Սան Ֆրանսիսքոյաբնակ Տէր եւ Տիկին Եդուարդ եւ Վերժին Մսըրլեաններ: Դատական կազմի անդամներն են. Դոկտ. Սիմա Աբրահամեան Յովհաննէսեան (Մոնրէալ), Անոյշ Ակներեան (Մոնրէալ), Դոկտ. Վարդան Մատթէոսեան (Նիւ Ճըրզի), Դոկտ. Կարէն Ճալլաթեան (Միշիկըն)։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՏՈՄՍ.- ԻՆՉՈ՞Ւ ՉԵՆ ԽՕՍԻՐ ԱՐՄԱՏԻ՛Ն ՄԱՍԻՆ
Next post ՆՇՈՒԵՑԱՒ ՀԱՅՈՑ ԲԱՆԱԿԻ 28-ԱՄԵԱԿԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles