Տերեւաթափ.- Ընկեր Խաժակ Սարգիսեանի Յիշատակին

0 0
Read Time:3 Minute, 11 Second

ԱՐԱՄ ԳԱԼՈՒՍՏԵԱՆ

Յապաւումով

Հայ Յեղափոխական Դաշնակցութեան Բիւրոյի անունով, մեր խորին ցաւակցութիւնները կը յայտնենք Սարգիսեան ընտանիքին, իրենց բոլոր հարազատներուն, բարեկամներուն եւ մեր բոլոր ընկերներուն։
Դժուար է ամբողջ կեանք մը ներկայացնել մի քանի վայրկեանուայ մէջ, եւ Խաժակի պարագային՝ անկարելի։
Այս մի քանի օրերու ընթացքին, ոմանք կ՛ըսեն, որ ընկեր Խաժակը Սան Ֆրանսիսքոյի գաղութին սիւներէն մէկն է։ Բայց կը հաւատամ, որ սիւն բառը բաւարար չէ իբրեւ ածական, որովհետեւ արուեստական իմաստ կու տայ։ Ընկեր Խաժակի կեանքը, Սան Ֆրանսիսքոյի մէջ շատ աւելի ճիշդ կþըլլայ ներկայացնել իբրեւ այս գաղութի հիմնաքարը, որովհետեւ հիմնաքարը աւելի բնական իմաստ կը ներկայացնէ, եւ ինչպէս յիշուեցաւ, ընկեր Խաժակը, առաջին օրերէն սկսեալ, 1959-էն ի վեր, սիրահարուած այս քաղաքին, եւ անոր յաջորդող շուրջ 60 տարիներու տեւողութեան, Սան Ֆրանսիսքոն նկատեց իբրեւ իր հարազատ տունը։
Հիմա, որ հոս կը գտնուինք, այս պահուն, մեր գաղութի սրահին մէջ, բոլորիս ներկայութեամբ, ինծի, եւ թերեւս մեզի ըսել կու տայ . ՛՛Երանի այն օրերուն՝՝ մասին։
– Երանի այն օրերուն, երբ առաջին անգամ ծանօթացանք Ընկեր Խաժակին 1969 թուականին եւ շուտով եղանք մօտիկ եւ հարազատ բարեկամ եւ գործընկերներ։
– Երանի այն օրերուն, երբ ծնան Արամը եւ Սեւակը եւ մեր տարիներու ծանօթութիւնը զարգացաւ ու շարունակուեցաւ։
– Երանի այն օրերուն, երբ մեր կարգ մը գործունէութեան ծրագիրները սկսան իրականանալ։ Կարելէ չէ բոլորը յիշել այստեղ։ Ահաւասիկ մի քանիները.
ա.- Հիմնումը ամէնօրեայ Գռուզեան-Զաքարեան-Վասպուրական հայ դպրոցին, որ մեծ ուրախութիւն կը պատճառէր Ընկեր Խաժակին։
բ.- Եկեղեցւոյ երկար կարգ մը ձեռնարկներ, ինչպէս՝ Փիքնիք, Պազար (վերջինը Հայ Կեդրոնի սրահին մէջ, որ նախապէս տեղի կþունենար Սան Ֆրանսիսքոյի Քապուքի կոչուող սրահին մէջ։
գ. – Տարիներ կատարուած Ապրիլ 24-ի ոգեկոչման հանդիսութիւններ։
դ. – Մայիս 28-ի տօնակատարութիւններ, Կոլտըն Կէյթ Փարքի, հսկայ բացօդեայ սրահ դաշտին մէջ։
ե. –Կամ որեւէ հարիւրաւոր մեր գաղութի Դաշնակցական, Հ.Մ.Ը.Մ.-ի, Հ.Օ.Մ.-ի, Երիտասարդաց Դաշնակցութեան, Համազգայինի, Տիկնանց Միութեան, կամ եկեղեցւոյ ձեռնակներուն եւ գործունէութեան եւ մէկ յատուկ օրինակ մը , որ միտքս կու գայ այս պահուն, Սեւակ, եթէ կը յիշես, երբ դուն իբրեւ Սէնթ Իկնէյշըս հայ սքուլի, հայ աշակերտներու յանձնախումբի
ատենապետ եւ ներկայացուցիչ, կազմակերպեցիք Ապրիլ 24-ի ոգեկոչման հաւաք, եւ զիս հրաւիրեցին Հ.Ե.Դ.-ի կողմէ, եւ դուն իբրեւ աշակերտներուն ներկայացուցիչ, եւ երկուքով միասին, իբրեւ գլխաւոր բանախօսներ, ներկայացուցինք Ապրիլ 24 Մեծ Եղեռնը այդ օտար դպրոցի աշակերտութեան առջեւ, շուրջ 35 տարիներ առաջ։
Եւ այս բոլորը նկատի առնելով, կը յիշեմ ընկեր Խաժակի յստակ եւ մնայուն մասնակցութիւնը եւ ազդեցութիւնը այս բոլոր գործունէութեան, իր փայլուն եւ լաւատես ժպիտով, իր բարի եւ համեստ գործունէութեամբ, միշտ պատրաստ էր ամբողջ էութեամբ մասնակցիլ, կազմակերպել, ղեկավարել։
Եւ անշուշտ պէտք է անդրադառնալ, ընկեր Խաժակի գործունէութիւնը Հայ Դատի վերաբերեալ աշխատանքներուն, իր 40-50-60 տարուայ նուիրումը Հայ Դատի գործունէութեան, եւ երբ նկատի առնենք այս շրջանի Հայ Դատի յաջողութիւնները, գործունէութեան կազմակերպումը, ստեղծումը, եւ վերադառնանք տարիներու ընթացքին, 5 տարի, 10 տարի, 20, 30,40 եւ 50 տարիներ առաջ, պիտի տեսնենք այն առաջին կազմակերպական օրերուն, եւ տարիներու վրայ վրայի եկած յառաջդիմութիւնը եւ յաջողութիւնը, ընկեր Խաժակի մնայուն մասնակցութիւնը իբրեւ կազմակերպող, ղեկավար եւ ստեղծող, իր
ծանր ազդեցութիւնը եւ դերակատարութիւնը յստակ կ՛երեւի։ Եթէ Սան Ֆրանսիսքօ ծովածոցի շրջանը, ունեցած է իր Վահան Քարտաշեանը, այդ անձնաւորութիւնը եղած է ընկեր Խաժակը։
Եւ հակառակ որ այսօր իր երկրաւոր բաժանումը մեզմէ նոր է, թարմ է,ես ուրախ եմ գիտակցելու որ Ընկեր Խաժակը այս վերջին մի քանի ամիսներուն ընթացքին, ականատես եղաւ Ամերիկայի կառավարութեան կողմէ Հայոց Ցեղասպանութեան բանաձեւի
վաւերացումին, այսինքն, Թիւ 296 բանաձեւի Ներկայացուցիչներու Տան մէջ, եւ թիւ 150 բանաձեւի ծերակուտական տան մէջ . որովհետեւ ընկեր Խաժակն էր այն անձը եւ Հայ Դատի ղեկավարը, որ երազեց եւ իրականացուց այն ինչ որ օրին որեւէ մէկը չէր կրնար երեւակայել, ինքն էր որ ուզեց ստեղծել այն ինչ որ չունէինք եւ պէտք է ունենայինք։ Ինքն էր, որ երազեց, ինքն էր, որ մեր բոլորին հաւատացուց, որ այն երազները կրնանք իրականացնելհաւատքով եւ յարատեւ համեստ աշխատանքով։
Սիրելիներ, այս է ընկեր Խաժակի կտակը մեզի. մենք պիտի շարունակենք աշխատիլիր օրինակով. իրաւունք չունինք չընելու։ Պիտի երազենք, պիտի հաւատանք, եւ պիտիիրականացնենք այն երազները, այն նոր դպրոցները ստեղծելու, Հայ Դատի ապագայ նպատակները յաջողցնելու, եւ պիտի շարունակենք ապրիլ այն ձեւով, որ Ընկեր Խաժակը
առաջնորդեց եւ քաջալերեց մեզ տարիներու ընթացքին։
Աստուած հոգին լուսաւորէ մեր սիրելի ընկերոջ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «Արմենոֆոպիա» Մոլուցքը
Next post Վարչապետին Հերթական Սպառնալիքը Հ.Յ. Դաշնակցութեան Դէմ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles