ԾՆՆԴԵԱՆ ՏՕՆԱԽՄԲՈՒԹԻՒՆ՝ ԱՐԵՒԵԼԵԱՆ Ա․Մ․Ն․-Ի ՇԱԲԱԹՕՐԵԱՅ ԴՊՐՈՑՆԵՐԷՆ ՆԵՐՍ

0 0
Read Time:2 Minute, 30 Second

Անմանորն ու Սուրբ Ծնունդը պատշաճ կերպով նշուեցան Ա․Մ․Ն․ Արեւելեան շրջանի զանազան կրթօճախնէրէ ներս։ Նիւ Եորքի Տակլըսթընի Սուրբ Սարգիս եկեղեցւոյ ,Շուշան եւ Յովսէփ Յակոբեանե շաբաթօրեայ դպրոցը Յունուար 5-ի երեկոյեան տօնախմբեց Քրիստոսի Ծնունդը, ներկայութեամբ՝ եկեղեցւոյ հովիւ՝ Արժ․ Տ․ Նարեկ քհն․ Թրթռեանի, ծնողներու եւ հիւրերու։ Դպրոցի տնօրէնուհի՝ տիկ․ Նայիրի Զօհրապեան, բարի գալուստի եւ շնորհաւորական խօսք արտասանելէ ետք, ներկայացուց ուսուցչակազմը եւ ծնողաց յանձնախումբը՝ ջատագովելով անոնց տարած լուրջ աշխատանքը։
Տիկին Զօհրապեան յայտնեց, որ Հ․Օ․Մ․-ի կազմակերպած շարադրական մրցոյթին՝ վարժարանի աշակերտներէն Էտի Հազարեան առաջին մրցանակը ստացած էր 14 դպրոցներու մէջ։ Ապա Էտին հրաւիրեց ու պարգեւատրեց զայն։
Տօնախմբութիւնը սկսաւ աղօթքով եւ Ծննդեան յատուկ երգերով տիկ. Զեփիւռ Արծիւեանի ղեկավարութեամբ։ Դաշնակով կ՛ընկերակցէր՝ տիկ․ Հայկուհի Մկրեան։ Մանկապարտէզէն մինչեւ 4-րդ կարգի աշակերտներ ներկայացուցին Քրիստոսի թեմայով բանաստեղծութիւններու փունջ մը, իսկ 6-րդ եւ 7-րդ կարգի աշակերտները թատերականացուցին Քրիստոսի ծնունդը ծափահարութիւններու եւ հիացական արտայայտութիւններու մէջ։ Հանդիսութիւնը փակուեցաւ դպրոցի ծնողներու յանձնախումբին կազմակերպած հիւրասիրութեամբ։

“ՀԱՄԱՍՏԵՂ” ԴՊՐՈՑԻՆ ՍՈՒՐԲ ԾՆՈՒՆԴԸ


Պեթեստայի (Մէրիլէնտ) ,Համաստեղե դպրոցի սաները կենդանի մսուրով մը ողջունեցին Քրիստոս մանուկի ծնունդը` 8-րդ դասարանի ուսուցչուհի տիկ. Լենա Տէմիրճեան Թաթարեանի կազմակերպութեամբ։ Յիշարժան օր էր՝ ներառեալ Ջրօրհնէքը, Գէորգ Կարապետ Թաթարեանի կնքահայրութեամբ: Ամենէն հաճելին՝ Սուրբ Ծնունդի առիթով դպրոցականներուն ստացած նուէրներն էին, որոնք յատկացուած էին դպրոցի ծնողական միութեան կողմէ։ Իսկ դպրոցի ուսուցչակազմը նուիրած էր ուտեստեղէնն ու զարդարանքը։ 200-էն աւելի ներկաներ կային այդ օր:
“ՍԻԱՄԱՆԹՕ” ԼՍԱՐԱՆԷն ՆԵՐՍ

Երկուշաբթի, Յունուար 6-ին, Ծննդեան երեկոյեան Առաջնորդ Սրբազան Հօր աւանդական Տնօրհնէքին, հրաւիրուած էին տիկ. Հուրի Սահակեան-Փափազեանը՝ ,Սիամանթօե լսարանի հիմնադիրն ու երկար տարիներու տնօրէնուհին, նաեւ՝ դասատուներն ու աշակերտները, որոնք ամիս մը առաջ զարդարած էին Առաջնորդարանի ծառը։ Վերամուտի առաջին օրը եւ երեկոյ ըլլալուն, հազիւ երեք աշակերտներ կրցած էին ներկայ ըլլալ։ Ասիկա յարմար առիթ մը եղաւ յիշատակի նկար մը ունենալու տիկ. Փափազեանին հետ։
Շաբաթ, Յունուար 11-ին, ,Սիամանթօե լսարանի հիւր դասախօսն էր մրցանակակիր սրնգահար՝ Սաթօ Մուղալեանը։ Ան գեղարուեստական ղեկավարն է ,Perspectives Ensembleեին, որ կ՛ուսումնասիրէ ու կը համադրէ երաժիշտներու եւ նկարիչներու գործերը։

Սաթօ Մուղալեան վերջերս հրատարակած է “Feast of Ashes: The Life and Art of David Ohannessian” գիրքը, որ նուիրուած է անոր մեծ հօր՝ Դաւիթ Օհաննէսեանի կեանքին։ Տասը տարի առաջ, հեղինակը մեծ հօր հետքերէն նիւթեր հաւաքած է, ճամբորդելով Թուրքիա, Անգլիա, Իսրայէլ, Պաղեստին եւ Ֆրանսա, եւ ընթացքին յօդուածներ հրատարակած ու խօսած, նիւթ ընելով՝ Երուսաղէմի մէջ հայ խեցեգործութեան ծնունդը, որուն հիմը դրած է Դաւիթ Օհաննէսեան։ Մեծ Եղեռնի օրերուն, վերջինս իր ծննդավայր Քէօթահիայէն Երուսաղէմ տարած է գործին գաղտնիքը եւ փոխած՝ տեղւոյն ճարտարապետութեան դիմագիծը։ Երուսաղէմի քարքարոտ փողոցներուն մէջ, շէնքերու պատերուն կամ դռներուն, մինչեւ ներսը սենեակներուն կամ նոյնիսկ Երուսաղէմի ,Ռոքֆելըրե թանգարանին մէջ փայլփլուն ու գունագեղ սալերն ու իրերը, որոնք ,սուրբ քաղաքեին իւրայատկութիւնն են, Դաւիթ Օհաննէսեանի գործն են։
Ան իր բազում գործերը տարածած է մինչեւ Եգիպտոս ու Սէուտական Արաբիա, իսկ 1933-ին մասնակցած՝ Շիքակոյի հռչակաւոր ցուցահանդէսին։
Իր մեծ հայրը բնաւ չտեսած թոռը անոր հետքերէն քալած ու ի հարկին պատմաբանի ու օսմանագէտի օգնութեամբ մտած է թրքական արխիւները՝ մութ անկիւններ բացայայտող էջեր գտնելով։
Այսքան հետաքրքրական արուեստի մը մասին նոյնքան հետաքրքրական պատումը ունկնդրելով ու պատկերներ դիտելով, ,Սիամանթօե-ի աշակերտները տարբեր տեսանկիւնէ ընկալեցին ցեղասպանութիւնը, անոր նախադէպքերն ու հետեւանքները:
Այնուհետեւ, Մուղալեան գործնական փորձ մը ըրաւ պատանիներուն հետ. անոր բերած իրերով, անոնք նկարեցին ու գունաւորեցին խեցեգործութեան յատուկ պատկերներ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Վարդինէ Օհանեան-Գէորգեան` Լիբանանի Նորակազմ Կառավարութեան Երիտասարդութեան Եւ Մարմնակրթութեան Նախարար
Next post Պոլսոյ Նորընտիր Պատրիարքը Պատասխանած Է Զինք Քննադատող Հայերուն

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles