ԽՄԲԱՎԱՐ ԱԼԷՆ ԱԼԹԻՆՕՂԼՈՒԻ ԵԼՈՅԹԸ ՊՈՍԹԸՆԻ ՄԷՋ

0 0
Read Time:1 Minute, 9 Second
Լուսանկարներ՝ Մաթիու Էրիքսըն

«Պոսթըն Սիմֆընի»-ի հրաւէրով, հանրածանօթ ֆրանսահայ խմբավար՝ Ալէն Ալթինողլու ժամանեցՄասաչուսէց եւ չորս անգամ ելոյթ ունեցաւ տեղւոյն նուագախումբին հետ:
Զուտ ֆրանսական յայտագիր մը ներկայացուց ան, իր կողքին ունենալով երգեհոնահար Թիերի էսքայշը:
Բացման կտորը Քլօտ Տըպիւսիի «Փելէաս» գործն էր, որուն յաջորդեց Ֆրանսիս Փուլենի երգեհոնի «քոնչերթօ»-ն եւ ապա Քամիլ Սէն Սանսի երրորդ համանուագը:
Ալթինօղլու շուտով կրցաւ ներգրաւել հանդիսատեսը, որ համեմատաբար դժուար եւ անծանօթ գործեր, ամենայն հարազատութեամբ ըմբոշխնեց: Այնքան մը, որ Փուլէնի գործէն ետք, անդադար ծափողջոյններու արդիւնք երգեհոնահար էսքայշը, վերստին բեմ բարձրացաւ եւ նուագեց իր յօրինումներէն մէկը:
Նախապէս 2017-ին առաջին անգամ ըլլալով, Ալթինօղլու ելոյթ ունեցած էր Պոսթընի մէջ, որուն բացման գործն էր Պերլիոզի «Ռոման Քարնիվալ»-ը, նաեւ ֆրանսացի հանրածանօթ ջութակահար Ռընօ Քափիւսոնի մասնակցութեամբ, Լալոյի «Սպանական համանուագը»-ը, Տիւթիյէոյի «Համանուագ թիւ 2»-ը եւ Ռուսէլի «Պաքիւս է Արիան» գործը:
Ալթինօղլու միշտ ալ հարցազրոյցներու ընթացքին կը նշէ, թէ ֆրանսահայ մըն է: Ան 2015-ին հայոց ցեղասպանութեան նուիրուած ելոյթներ ունեցաւ Փարիզի եւ Երեւանի մէջ:
Ծնած 1975-ին, Ալթինօղլու ուսանած է Փարիզի երաժշտանոցին մէջ, ուր այժմ կը դասաւանդէ: Անոր կողակիցն է մէցօ-սոփրանօ Նորա Կիւպիշը, որուն հետ բազմիցս ելոյթներ կ՛ունենայ:
Ալթինօղլու կը յայտնէ թէ, իր ծնողները շարունակ հայերէն խօսած են եւ ինքն ալ նոյնպէս իր զաւակին հետ մայրենի լեզուն կը խօսի եւ դեռ աւելին իր կողակիցն ալ կը հասկնայ հայերէն:
Չորս ելոյթներուն ալ, դասական երաժշտութեան սիրահար հոծ բազմութիւն մը ներկայ էր:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ցաւ
Next post ԳՐԱԿԱՆՈՒԹԵԱՆ ԼՈՒՍԱՒՈՐ ՈՒՂԻՆԵՐՈՒ ՎՐԱՅ. ՕԼԿԱ ԴՈԿԱՐՉՈՒԿ. 2018-Ի ՆՈՊԷԼԵԱՆ ԴԱՓՆԵԿԻՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles