Ստեղծուեցաւ «Կամաւորական Շարժում» Կազմակերպութիւնը

0 0
Read Time:1 Minute, 4 Second

ԵՐԵՒԱՆ․- Մեծ թիւով մասնակիցներ ստեղծեցին «Կամաւորական Շարժում» հայրենասիրական, բարեգործական, հասարակական կազմակերպութիւնը։

Այս կազմակերպութեան անդամագրուիլ ցանկացող բոլոր հայրենակիցները կրնան դիմել կազմակերպութեան նախաձեռնող խումբին, որուն հասցէն է․- Հանրապետութեան 30, Հ․Յ․Դ․ Սիմոն Վրացեան կեդրոն։ Այս առիթով նախաձեռնող խումբը յայտարարութիւն մը հրատարակեց, շեշտելով, թէ իւրաքանչիւր հայու սրբազան պարտականութիւնն է հայրենիքի սահմաններու պաշտպանութիւնը։ Կազմակերպութիւնը նպատակ ունի պատերազմական իրավիճակի մէջ մասնակցելու երկրի պաշտպանութեան եւ խաղաղութեան պայմաններու մէջ` երկրի բարեկարգման։

«Արդէն իսկ Հ․Հ․ Պաշտպանութեան նախարարութեան հետ ունինք համաձայնութիւն նախաձեռնել բանակին կից, բանակի հրամանատարութեան ենթակայ պահեստային ստորաբաժանումներ, որոնք պէտք է կազմուած ըլլան կամաւորութեան հիմունքով` իրենց առօրեայ կեանքով ապրող քաղաքացիներէ: Հնարաւոր պատերազմի ժամանակ պահեստայինները այսպէս թէ այնպէս պիտի զօրակոչուին նանակ: Մեր նպատակը` աշխարհազօրի նպատակը, անոնց պատրաստուածութեան բարձր մակարդակի ապահովումն է, որուն հնարաւոր պիտի ըլլայ հասնիլ պարբերական ուսուցողական հաւաքներու միջոցով: Նման հաւաքներու ժամանակ քաղաքացիները պէտք է կատարելագործեն իրենց մարտական հմտութիւնները եւ անհրաժեշտութեան պարագային պատրաստ ըլլան իրենց ստորաբաժանումներով, իրենց վերապահուելիք դիրքերուն մէջ հնարաւորինս արագ եւ առաւել արդիւնաւէտ իրականցնել Հայրենիքի պաշտպանութեան գործը։ Այսօր երկրին մէջ առկայ բարոյահոգեբանական մթնոլորտը աւելի ու աւելի է կարեւոր կը դարձնէ այնպիսի նպատակներու եւ արժէքներու շուրջ համախմբումը, որոնք ամուր հիմքերու վրայ կը դնեն Հայրենիքի անվտանգութիւնը »,- կը նշուի յայտարարութեան մէջ, աւելցնելով, որ խաղաղութեան պայմաններու մէջ աշխարհազօրը պիտի մասնակցի երկրի բարեկարգման ուղղուած այն բոլոր աշխատանքներուն, ուր յաւելեալ մարդուժի կարիք կայ:

Կոչ կատարուեցաւ բոլորին անդամագրուելու Կամաւորական Շարժում կազմակերպութեան կամ նախաձեռնել նոյնանման կազմակերպութիւններ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ․Յ․Դ․ Արցախի Կեդրոնական Կոմիտէն Հանդիպեցաւ Արցախի Նախագահական Թեկնածու Մասիս Մայիլեանի Հետ
Next post Հ.Հ. ՎԱՐՉԱՊԵՏ ՓԱՇԻՆԵԱՆ ԱՅՑԵԼԵՑ Ս. ՂԱԶԱՐ. «ՄԽԻԹԱՐԵԱՆ ՄԻԱԲԱՆՈՒԹԻՒՆԸ՝ ԻՆՔՆՈՒԹԵԱՆ ՏԱՃԱՐ»

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles