ԻՐԱՎԻՃԱԿ ՓՈԽՈՒԵՐ Է…



Սօսի Միշոյեան Տապպաղեան

21 Նոյեմբեր, 2019

Երեւան

 

  • Ուրեմն, այլեւս արեւմտահայերէնը կրնա՞նք ծաղկեցնել հայրենիքի մէջ։
  • Ի՜նչ արեւմտահայերէն, արա, նախ արեւելահայերէնին դատը պաշտպանենք։

 

***

  • Կաշառակերութիւնը վերացաւ։
  • Հիմա ի՞նչ պիտ ուտենք։
  • Հիմա իրարու միս պիտի ուտենք, հոգ մի՛ ըներ, անօթի չենք մնար։

 

***

  • Աղբին տեղը աղբամանն է, այլեւս գետին թափել չկայ, շո՛ւտ վերցուր։

 

***

  • Ինչպէ՞ս կ՚ըսէք, թէ փոփոխութիւն չէք նկատեր. չէ՞ք տեսներ, որ նուազագոյն աշխատավարձը 15 հազարով պիտի բարձրանայ։
  • 15 հազա՞ր…
  • Առաջ ատքանն ալ կ՚երազէիք։
  • 15 հազար, օխ… հա՜…

 

***

  • Ի՞նչ կ՚ուզէք ատքան իրար անցած էք։
  • Ծրագիր կ՚ուզենք, յստակութիւն կ՚ուզենք։
  • Ինչու մինչեւ հիմա յստակութեան մէ՞ջ էիք, որ հիմա կը յանդգնիք։
  • Վախ ունինք։
  • Ինչէ՞ն։
  • Ազգային արժէքներու կորուստէն։
  • Մեզմէ ազգայինը չկայ։
  • Փաստեցէք։
  • Ահաւասիկ, թիւ մէկ նորութիւն։
  • Կը մերժենք։
  • Մենք ալ հինը մերժեցինք. չըլլայ դուք հինը կ՚ուզէք։
  • Ո՛չ, մենք ալ հինը մերժեցինք։
  • Նորութիւն թիւ երկու։
  • Կը մերժենք։
  • Հապա ի՞նչ կ՚ուզէք։
  • Յստակութիւն կ՚ուզենք։
  • Ինչու առաջ յստակութեան մէ՞ջ էիք, որ հիմա…

 

«Պտտուիր պտտուիր կարուսել,

Ես քո երգը վաղուց եմ լսել.

Պտտուիր պտտուիր,
… Սրի պատեան / սիրոյ մատեան

միշտ հին ու նոր իմ Հայաստան»։

 

 

 

 

 

Be the first to comment

Leave a Reply

Your email address will not be published.


*