Վենետիկ.- Մխիթարեան Միաբանութեան Սուրբ Ղազար Կղզին Ողողուած

0 0
Read Time:57 Second
ՎԵՆԵՏԻԿ.- Մխիթարեան Միաբանութիւնը մամլոյ հաղորդագրութեամբ մը կը տեղեկացնէ, թէ Երեքշաբթի, Նոյեմբեր 12-ի երեկոյեան ժամը 9-էն սկսեալ, մակընթացութեան նախատեսուած բարձրագոյն մակարդակը 40 սմ գերազանցելով, հարաւային ուժգին քամիի պատճառով Վենետիկի լճակի մակարդակը հասաւ 180 սմ։
”Այսպիսի իրավիճակ տեղի չէր ունեցած 1966-էն ի վեր։ Վենետիկի Ճուտեքա շրջանի հարաւային քարափները ուժգին ալիքներու հարուածի տակ քանդուած են,  նաւեր խորտակուած են, եւ աւանդական կոնտոլաները  Սուրբ Մարկոսի հրապարակ հասած, ու քաղաքն ամբողջ ջուրով ողողուած: Սուրբ Ղազար կղզին ալ զերծ չմնաց բնութեան այս աղէտէն։ Գետնայայրկի բոլոր սենեակները ողողուեցան լճակի տղմուտ ջուրով, քառանկիւնի խոտածածկը ջուրի տակ սուզուեցաւ։ Սեղանատունը եւս խուժեցին ջուրերու յորձանքները եւ դժբախտաբար եկեղեցին անգամ լեցուեցաւ կէս մեթր ջուրով որ հասաւ դաս եւ աւանդատուն, վնասելով որոշ եկեղեցական զգեստներ եւ ձեռագործ զարդարանքներ եւ գորգեր։
Միայն վաղ առաւօտեան անդրադարձանք որ ամեհի ալիքներու հարուածներուն տակ, ամբողջ հարաւակողմը եզերող պարսպապատը քանդուած էր։ Այս տխուր համայնապատկերը հասաւ իր գագաթնակէտին վանքի ծովախորշին կայանած Արմենիա առագաստանաւի  պատճառած վնասները տեսնելով. Առագաստանաւը ալիքներէն քշուած, ցռուկով քանդած էր պարիսպէն հատուած մը մինչեւ լայնքով բարձրանալու քարափին, փլցնելով ետեւի պարիսպը։
Մեր բոլոր հայրենակիցներուն եւ բարեկամներուն կ՚ուզենք ապահովցնել որ վանքի մատենադարանը, պատկերասրահը, ձեռագրատունը եւ դիւանը անվնաս մնացին Ամենասուրբ Կոյսին մայրախնամ հովանիին ներքոյ”, կը տեղեկացնէ մամլոյ հաղորդագրութիւնը։
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Թրամփէն Կը Պահանջուի Էրտողանէն Բացատրութիւն Ստանալ Հայ Հոգեւորականի Սպանութեան Վերաբերեալ
Next post ԼՕՈՒԸԼԻ ՄԷՋ ԱՐԵՒԵԼԵԱՆ Ա.Մ.Ն.-Ի ՀԱՅ ԴԱՏԻ ՅԱՆՁՆԱԽՈՒՄԲԻ ՏԱՐԵԿԱՆ ՄԵԾԱՐԱՆՔԻ ՀԱՆԴԻՍՈՒԹԻՒՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles