Մամլոյ Հաղորդագրութիւն.- Սուրբ Ստեփանոս Ազգային Վարժարանի 35-ամեակ


ՈՒԱԹԸՐԹԱՈՒՆ (Մասաչուսէց).- Սուրբ Ստեփանոս Ազգային Վարժարանը կը պատրաստուի տօնելու իր հիմնադրութեան 35-ամեակը: Տօնախմբութիւնը տեղի պիտի ունենայ յառաջիկայ նոյեմբեր 16-ին, Westin Waltham պանդոկին մէջ, հովանաւորութեամբ՝ Թեմիս Բարեխնամ Առաջնորդ Արքեպիսկոպոս Անուշաւան Դանիէլեանի:
Տնօրէնուհին՝ Հուրի Բանեան Պոյամեան, որ 31 տարիէ իվեր դպրոցի տնօրէնութեան պաշտօնը ստանձնած է, յայտնեց որ ձեռնարկի հասոյթը պիտի յատկացուի Կրթաթոշակի Ֆոնտին, առիթը տալու համար աւելի մեծ թիւով աշակերտներու հայեցի կրթութիւն, ինչպէս նաեւ բարձրորակ ամերիկեան ուսում ստանալու:
Այս ձեռնարկի յանձնախումբի ատենապետուհին՝ Նիքոլ Պապիկեան Հաժժարը (ձախին՝ վերը), որուն երեք զաւակները շրջանաւարտ են Սուրբ Ստեփանոս Ազգային Վարժարանէն, յայտնեց որ տարբեր շրջանակներէ 400-էն աւելի ներկաներ պիտի գան իրենց զօրակցութիւնը արտայայտելու դպրոցին, նկատի առնելով անոր կարեւոր դերը հայապահպանման ու համայնքի աշխուժացման նկատմամբ;
Ձեռնարկի հանդիսավարը՝ Լիզա Կիւլեսէրեան (ձախին՝ վարը), Հայերէն Լեզուի եւ Մշակոյթի դասախօս է Հարվըրտ Համասարանէն ներս եւ անխոնջ պահապան հայերէն լեզուի: Օրուան խօսքը պիտի ներկայացուի Փրոֆ. Տիրան Աբէլեանի (աջին) կողմէ, որ անդամ է Ամերիկայի Միացեալ Նահանգներու Երկրաչափութեան Ազգային Ակադեմիային, ինչպէս նաեւ Հնարողներու Ազգային Ակադեմիային եւ երկու հիմնադիրներէն մէկը Armenia Project Center-ի Երեւանի մէջ: Երաժշտական բաժինը պիտի կատարէ Երգիչ եւ երգահան Արթիւր Յակոբեան:
Քսան հոգինոց յանձնախունբը լրջօրէն գործի լծուած է ձեռնարկը յաջողութեամբ պսակելու համար: Տոմսակներ ապահովելու համար այցելեցէք www.mkt/ssaes իսկ հարցումներու համար 35@ssaes.org կամ 617-926-6979 :

Contact Information:
St. Stephen’s Armenian Elementary School
Houry Boyamian, Principal
houry_boyamian@ssaes.org
617-926-6979

Be the first to comment

Leave a Reply

Your email address will not be published.


*