Կովսականի Մէջ Բացում` Հ.Յ.Դ. Երիտասարդական Կեդրոնի

0 0
Read Time:1 Minute, 11 Second

Լուսինէ Թեւոսեան
Հ․Յ․Դ․ Արեւմտեան Ամերիկայի եւ Արցախի Կեդրոնական կոմիտէներու համագործակցութեամբ եւ ամերիկաբնակ բարերարներ Վարդան եւ Սոնա Ֆնտգեաններու հովանաւորութեամբ, Արցախի Հանրապետութեան Քաշաթաղի շրջանի Կովսական քաղաքին մէջ բացումը կատարուեցաւ Հ․Յ․Դ․ «Թորլաքեան եւ Ֆնտգեան» երիտասարդական կեդրոնին:

Հոկտեմբեր 14-ին կայացաւ երիտասարդական կեդրոնին պաշտօնական բացումը։

Հոկտեմբեր 15-ին Հ․Յ․Դ․ Արցախի «Նիկոլ Դուման» կեդրոն այցելեցին Արեւմտեան Ամերիկայի Կեդրոնական կոմիտէի կազմակերպական ներկայացուցիչ Կարօ Մատէնլեանն ու բարերարներ Վարդան եւ Սոնա Ֆնտգեանները՝ ուղեկցող անձերու հետ:

Հանդիպման ընթացքին, Հ․Յ․Դ․ Արցախի Կ․Կ․-ի ներկայացուցիչ Դաւիթ Իշխանեան նշեց, որ Արցախի հարաւային շրջանի ամրապնդումը ռազմաքաղաքական անհրաժեշտութիւն է:

«Մենք ունինք «Հայրենիքի ծրագիրներ» յանձնախումբ մը, որ կը զբաղի Հայաստանի եւ Արցախի մէջ տարբեր ծրագիրներ իրականացնելու աշխատանքներով: Կովսականի երիտասարդական կեդրոնը վերը նշեալ յանձնախումբին ծրագիրներէն է, եւ ես յոյսով եմ, որ այս բարեգործութիւնը օրինակելի կը դառնայ», տեղեկացուց Հ․Յ․Դ․ Արեւմտեան Ամերիկայի Կ․Կ․-ի կազմակերպական ներկայացուցիչ Կարօ Մատէնլեան:

Արցախի ազատագրուած Կովսականի մէջ, Նեմեսիս գործողութեան մասնակից Թորլաքեանի եւ Ֆնտգեանի անուններով անուանակոչուած երիտասարդական կեդրոնը իրականացած է Լոս Անճըլըսի մէջ բնակող նախկին օդանաւաշինութեան ճարտարապետ Վարդան Ֆնտգեանի հովանաւորութեան շնորհիւ: Արցախի մշտական այցելուն յայտնեց, որ Արցախը ամէն անգամ իւրովի հաճոյք կը պատճառէ իրեն:

«Ես գլուխը գովող անձ չեմ, չեմ սիրեր խօսիլ ըրածներուս մասին, քանզի անոնցմէ ոչ մէկ հաճոյք կը զգամ, բայց Արցախի մէջ կայ մէկ բան, որ ամէն անգամ ինծի հաճոյք կը պատճառէ: Այդ մշտապէս ընթացող շինարարութիւնն է, փոփոխութիւնն է, նոր կառոյցներն ու շէնքերն են, որոնք մխիթարանք են հայրենիքէն հեռու ապրող հայու համար», ըսաւ Ֆնտգեան։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Օ.Մ.-Ի 72-ՐԴ ՀԱՄԱՀԱՅԿԱԿԱՆ ՊԱՏԳԱՄԱՒՈՐԱԿԱՆ ԺՈՂՈՎԸ ԱՒԱՐՏԵՑ ԻՐ ԱՇԽԱՏԱՆՔՆԵՐԸ
Next post ՈՎՔԵ՞Ր ԵՆ ՊԱՏՐԱՍՏ ԿՌՈՒԵԼՈՒ…ԵՒ Ի՞ՆՉ ԲԱՆԻ ՀԱՄԱՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles