Ամերիկայի Հայ Դատի Յանձնախումբը Կը Դատապարտէ Թուրքիոյ Ներխուժումը

ՈՒԱՇԻՆԿԹԸՆ․- Անդրադառնալով Թուրքիոյ կողմէ հիւսիսային Սուրիա ներխուժելու գոյժին, Ամերիկայի Հայ դատի յանձնախումբի գործադիր տնօրէն Արամ Համբարեան նշեց, թէ պատահածը Թրամփի վարչակազմին անմիտ քաղաքականութեան եւ Սուրիոյ հիւսիսային շրջանէն քաշուելու քաղաքականութեան պատճառով է: Ան նշեց, թէ անընդունելի է, եւ Ամերիկայի Հայ դատի յանձնախումբը կը շարունակէ իր յարաբերական կապերը որոշումի կեդրոններուն հետ, թրքական ներխուժման ժխտական անդրադարձը շրջանի հայ, ասորի, եզիտի եւ իսլամ ժողովուրդներու վրայ ցոյց տալու համար:

«Ի մտի ունենալով Հայոց ցեղասպանութեան շարունակուող հետեւանքները, ներառեալ` անոնք, որոնք կը վտանգեն Հիւսիսային Սուրիոյ մէջ արեւմտահայ բնակչութեան մնացորդացը, մենք կը միանանք Քոնկրէսի զոյգ պալատներէն ծերակուտական Լինտսի Կրահամի, Քրիս Վան Հոլլընի եւ այլոց, զօրակցելով երկկուսակցական օրէնքի մշակումի` Թուրքիոյ վրայ պարտադրելու ամէնէն ծանր պատժամիջոցները` Ամերիկայի քիւրտ դաշնակիցներուն դէմ կատարուած յարձակումին համար», նշեց Համբարեան:

Be the first to comment

Leave a Reply

Your email address will not be published.


*