Արեւելեան Ա․Մ․Ն․-ի Հայ Դատի Յանձնախումբէն Պատուիրակութիւն Մը Այցելեց Ծերակուտական Ուարընի Գրասենեակը

Ձախէն աջ՝ Սթիւ Մեսրոպեան, Ցոլին Սարեան, ծերակուտական Էլիզապէթ Ուորընի գրասենեակի վարիչ տնօրէն՝ Ֆառահ Ռիտոր, Նայիրի Խաչատուրեան եւ Ցոլեր Աւետիսեան

ՊՈՍԹԸՆ․- Արեւելեան Ա․Մ․Ն․-ի Հայ Դատի Յանձնախումբը, յատուկ հաղորդագրութեամբ մը կը տեղեկացնէ, թէ պատուիրակութիւն մը այցելած է ծերակուտական Էլիզապէթ Ուարընի գրասենեակը եւ հանդիպում մը ունեցած վարիչ տնօրէն՝ Ֆառահ Ռիտորի հետ։

Պատուիրակութեան անդամներն էին՝ Ցոլին Սարեան, Նայիրի Խաչատուրեան, Ցոլեր Աւետիսեան եւ Սթիւ Մեսրոպեան։

«Մենք շնորհակալութիւն կը յայտնենք ծերակուտական Ուորընին, որ միշտ ալ հայ դատի կողքին եղած ու քուէարկած է։ Թէ՛ Մասաչուսէցի մէջ եւ թէ՛ արտաքին հարցերու ոլորտէն ներս, Էլիզապէթ Ուարըն նեցուկ կանգնած է հայութեան։ Արցախի հիմնահարցին գծով, ան պայքարեցաւ որ Արցախին տրամադրուող ելեւմտական աջակցութիւնը չդադրի եւ յատկապէս շարունակուի ականազերծման աշխատանքը», տեղեկացուց Ցոլին Սարեան, հանդիպման ընթացքին։

Պատուիրակութիւնը նաեւ Ուորընի գրասենեակի վարիչ տնօրէն՝ Ֆառահ Ռիտորի տեսակցութեան ընթացքին մտահոգութիւն յայտնեց, թէ ցայսօր նախագահ Թրամփի ղեկավարութեան կողմէ կը շարունակուի օժանդակութիւնը՝ Թուրքիոյ եւ Ատրպէյճանի։

Be the first to comment

Leave a Reply

Your email address will not be published.


*