ՇԻՔԱԿՈՅԻ ՄԷՋ․- Հ.Ե.Դ.-Ի ՈՂԻՄՊԻԱԿԱՆ ԽԱՂԵՐ

ՇԻՔԱԿՕ (Կլենվիու, Իլինոյ)․- Հինգշաբթի, Օգոստոս 29-ին Hyatt Regency O’Hare պանդոկին մէջ, մեկնարկը տրուեցաւ Հայ Երիտասարդաց Դաշնակցութեան 86-րդ ողիմպիական խաղերուն։ Ոչ թէ՛ միայն Ա․Մ․Ն․ արեւելեան շրջանի, այլ ընդհանրապէս ամերիկահայ համայնքի ամենէն սիրուած, ժողովրդականութիւն վայելող ու բազմամարդ ձեռնարկներէն մէկն է այս հաւաքը, որ կը կազմակերպուի տարեկան դրութեամբ, աշխատաւորներու օրուան զուգադիպող շաբաթավերջին։

Հ.Ե.Դ.-ի Շիքակոյի մասնաճիւղին կողմէ կազմակերպուած են այս տարուայ 86-րդ ողիմպիական խաղերը, որոնք նաեւ մարզական մրցումներու կողքին, կ՛ընդգրկեն գեղարուեստական յայտագիրներ եւ երաժշտական համերգներ։ Այս խաղերուն պատուոյ նախագահն է Ա․Մ․Ն․ արեւելեան թեմի Բարեջան առաջնորդ՝ Գերշ. Տ. Անուշաւան արք. Դանիէլեան, որ փակման օրը՝ Երկուշաբթի Սեպտեմբեր 2-ին, պիտի պատարագէ եւ քարոզէ շրջանի Ամենայն Սրբոց եկեղեցւոյ մէջ։

Be the first to comment

Leave a Reply

Your email address will not be published.


*