ԿԱՅԱՑԱՒ ԱՐՑԱԽԻ ՕԴԱՅԻՆ ԵՐՐՈՐԴ ՓԱՌԱՏՕՆԸ

 

Լուսանկարներ՝ Լուսինէ Թեւոսեան

ՍՏԵՓԱՆԱԿԵՐՏ ․- Օգոստոս 24-ին, Ստեփանակերտի օդակայանին մէջ տեղի ունեցաւ  օդային երրորդ փառատօնը, որ կազմակերպուած էր Արցախի հանրապետութեան  արտադրական ենթակառոյցի, մշակոյթի, երիտասարդութեան հարցերու եւ զբօսաշրջութեան նախարարութիւններու, «Yell Extreme Park» եւ («Skyball» ընկերութեանց համատեղ ջանքերով:

Այս հանդիսութեան  ներկայ էին պետական նախարար Գրիգորի Մարտիրոսեան, տնտեսագիտութեան նախարար Արթուր Յարութիւնեան, Մշակոյթի, երիտասարդութեան հարցերու եւ զբօսաշրջութեան նախարար Լեռնիկ Յովհաննիսեան եւ մասնակիցներ՝ Արցախէն, Հայաստանէն եւ արտերկրէն: Մասնակիցները հնարաւորութիւն ունեցան օդակայանէն զբօսաշրջային թռիչքներ կատարել երկտեղանի ինքնաթիռով եւ օդապարիկով:

«Միջոցառման նպատակն է Արցախում զարգացնել զբօսաշրջութեան ոլորտը, բարձրացնել տեղեկացուածութիւնը Արցախի թեթեւ աւիացիայի ներուժի մասին, աշխուժացնել երիտասարդական կեանքը, նպաստել երիտասարդութեան ազատ ժամանցի եւ առողջ ապրելակերպի կազմակերպմանն ու խրախուսել հետաքրքիր նախագծերի իրականացումը», յայտնեց «Yell Extreme Park» ընկերութեան հիմնադիր Տիգրան Չպուքճեանը:

Արցախի մշակոյթի, երիտասարդութեան հարցերու եւ զբօսաշրջութեան նախարարութեան զբօսաշրջութեան վարչութեան պետ Արտակ Գրիգորեան իր կարգին ըսաւ, որ օդային փառատօնը դրական արձագանգ է ստացած հանրութեան եւ զբօսաշրջիկներու  կողմէ:

Արցախի օդանաւորդութեան բաժնի պետ Սամուէլ Թաւատեանը իր կարգին, յայտնեց․ «Երազում եմ այն օրուայ մասին, որ Արցախի օդակայանում թռիչքներ կատարուեն ոչ միայն երկտեղանի ինքնաթիռով կամ պարապլանով, այլ օդանաւերով: Օդակայանն իրողութիւն է, անձնակազմը` պատրաստ, մենք սպասում ենք մեր թռիչքին»։

Be the first to comment

Leave a Reply

Your email address will not be published.


*