Ա․ Մ․ Ն․ ԱՐԵՒԵԼ․ ԹԵՄԻ ԱՌԱՋՆՈՐԴ ՍՐԲԱԶԱՆ ԱՆՈՒՇԱՒԱՆ ԴԱՆԻԷԼԵԱՆ ԿԸ ՀԱՆԴԻՍԱՊԵՏԷ ՈՒՍԹԸՐԻ ՄԷՋ

 

Կիրակի, Օգոստոս 11-ին, Ա․Մ․Ն․ արեւելեան թեմի Անուշաւան արքեպիսկոպոս ներկայ եղաւ  Ուսթըրի (Մասաչուսէց) Սուրբ Երրորդութիւն եկեղեցւոյ մէջ, ուր նախագահեց Սուրբ Պատարագին ու ապա քարոզեց։ Այնուհետեւ Բարեջան Առաջնորդը նախագահեց Խաղողօրհնէքին, որ տեղի ունեցաւ եկեղեցւոյ տարեկան դաշտահանդէսին ընթացքին։ Արարողութեան նաեւ մասնակցեցան Նիւ Ինկլընտի շրջանէն հետեւեալ հոգեւորականները՝ Տ. Թորգոմ քհնյ. Չորպաճեան, Տ. Գաբրիէլ քհնյ. Նազարեան, Տ. Ստեփան քհնյ. Պալճեան եւ Տ. Միքայէլ քհնյ. Տէր Խոսրովեան։

Նշենք, թէ վերջերս Սուրբ Երրորդութիւն եկեղեցւոյ մէջ տեղի ունեցաւ ամառնային եռօրեայ առանձնացման շրջան մը՝ 14 մանուկներու մասնակցութեամբ։ Այս առանձնացման շրջանը կազմակերպուած ու ղեկավարուած էր եկեղեցւոյ հոգեւոր հովիւ՝ Տ. Թորգոմ քհնյ. Չորպաճեանի կողմէ, ծնողներու եւ ուսուցիչներու գործակցութեամբ։ Երեք օրերը յագեցած էին աղօթքներով, աստուածաշնչական պատմութիւններով, բնութեան մասին դասաւանդումով, պարի դասերով եւ արուեստի տարբեր ծրագիրներով։

Be the first to comment

Leave a Reply

Your email address will not be published.


*