Ա.Մ․Ն․ Արեւել․ Շրջանի Առաջնորդ Անուշաւան Արք․ Դանիէլեան Փրովիտենսի Մէջ

ՓՐՈՎԻՏԵՆՍ (Ռոտ Այլընտ)․- Կիրակի, Օգոստոս 4-ին, Ա.Մ․Ն․ արեւելեան շրջանի Բարեջան Առաջնորդ Անուշաւան Արք․ Դանիէլեան նախագահեց Սուրբ Պատարագին՝ Սրբոց Վարդանանց եկեղեցւոյ մէջ, ուր հոգեպարար քարոզ մը տուաւ փրկութեան եւ  հայեացքը միշտ մեր Տիրոջ ուղղելու մասին։ Յաւարտ Սուրբ Պատարագի, Սրբազան Հայրը մասնակցեցաւ եկեղեցւոյ տարեկան դաշտահանդէսին «Քէմփ Հայաստան»-ի մէջ եւ նախագահեց խաղողօրհնէքին ու մատաղօրհնէքին։

Ներկայ էին նաեւ Նիւ Ինկլընտի շրջանէն տարբեր հոգեւորականներ։ Այս շաբաթավերջին, Գերշ. Տ. Անուշաւան արք. Դանիէլեան պիտի ճամբորդէ Նիւ Ինկլընտի շրջան։ Կիրակի, Օգոստոս 11-ին, Սրբազան Հայրը պիտի նախագահէ խաղողօրհնէքի արարողութեան՝ Ուստըրի (Մասաչուսէց) Սուրբ Երրորդութիւն եկեղեցւոյ տարեկան դաշտահանդէսին, որ տեղի պիտի ունենայ եկեղեցւոյ տարածքին մէջ։ Այնուհետեւ, Բարեջան Առաջնորդը անգամ մը եւս  «Քէմփ Հայաստան» (Ֆրէնքլին – Մասաչուսէց) պիտի այցելէ, ուր պիտի նախագահէ Ուաթըրթաունի Սուրբ Ստեփանոս եկեղեցւոյ տարեկան խաղողօրհնէքին ու մատաղօրհնէքին։

Be the first to comment

Leave a Reply

Your email address will not be published.


*