«Լիզպոն 5»-ի Ոգեկոչման Ձեռնարկ Պոսթընի Մէջ

ՈՒԱԹԸՐԹԱՈՒՆ (Մասաչուսէց).- Կիրակի, Օգոստոս 4-ին, Սուրբ Ստեփանոս եկեղեցւոյ մէջ կատարուեցաւ հոգեհանգստեան պաշտօն, ի յիշատակ  Լիզպոնի գործողութեան նահատակուած հինգ հերոսներուն։

Ապա, եկեղեցւոյ սրահին մէջ ներկաները հաւաքուեցան, պատշաճ հաւաքով մը, նշելու նահատակուած հերոսներու 36-ամեակը։ Ձեռնարկը կազմակերպած էր տեղւոյն «Սարդարապատ» կոմիտէութիւնը։ Եօթանասունի շուրջ հայորդիներ ներկայ էին։ Օրուան պատգամը փոխանցեց Աբօ Նգրուրեան, որ ըսաւ.-

Եօթանասունական թուականներուն, Սփիւռքի հայութիւնը ապրեցաւ Հայ Դատի հետապնդման այնպիսի բուռն եւ նշանակալից օրեր, որ կարծէք Պանք Օթոմանի գրաւման կամ թուրք ջարդարար անձերու ահաբեկման սրտաթունդ մթնոլորտն էր որ ժամանակի վարագոյրը մէկդի քաշած եկած էր վերստին ոտքի հանելու հայութեան արդար պահանջատիրութիւնը։

Տասնամեակներ շարունակ հայ քաղաքական մտածողութիւնը դեգերած էր դիւանագիտական եւ աղերսագրերու ապարդիւն գործունէութեան վրայ։ Դիմած, խնդրած աղերսած, սակայն ոչ ոք մտիկ ըրած։ Երբեմն կէս խոստումներ շուտով մոռացութեան տրուած էին կամ փոխած իրենց ուղղութիւնը։

Ու եկաւ օրն օրերուն…

Եւրոպական մեծագոյն ոստաններէն մինչեւ Աւստրալիա, մինչեւ Ամերիկա ոտքի ելած տղաք, կտրիճ եւ անձնուէր տղաք պատռեցին լռութեան վարագոյրը ու աշխարհին յիշեցուցին ժողովուրդի մը մոռցուած դատը։

Աշխարհին յիշեցուցին թէ հայը չէ մոռցած իր բռնագրաւուած հայրենիքը ու աւելի քան մէկ ու կէս միլիոն զոհերը։

Ու պահանջեցի՛ն արդարութիւն։

Եւ այդ պահանջատիրութեան ու արդարութեան պահանջելու ուժականութիւնը Յուլիս 27, 1983¬ին ասկէ 36 տարիներ առաջ Փորթուկալի Լիզպոն մայրաքաղաքին մէջ աշխարհի ուշադրութիւնը Հայ Դատի սեւեռելու նպատակով ,Հայկական Ցեղասպանութեան արդարութեան մարտիկներեու։ Հինգ ընկերներ, Սեդրակ Աճէմեան, Սիմոն Եահնըեան, Սարգիս Աբրահամեան, Վաչէ Տաղլեան եւ Արա Գըլճլեան գրաւեցին թրքական դեսպանատունը։

«Մահ Իմացեալ Անմահութիւն է»։

Դեսպանատան դրան առջեւ պահակ զինուորի հետ բախման ընթացքին նահատակուեցաւ Սիմոն, մնացեալը յաջողեցան մտնել դեսպանատուն, իրականացնել գործողութիւնը։

Այդ աննման տղոց սխրագործութիւնը հայ ազգային ազատագրական գրական պայքարի պատմութեանը մէջ բացաւ այնպիսի նշանակելի էջ մը որ եղաւ շրջանային եւ միջազգային առումով ամէնէն ցնցիչ դէպքը։

Լիզպոն հինգի տղոց անձնազոհութեան արարքով ապացուցին թէ իրենց նպատակը հասնող ահաբեկչութիւն մը չէր այլ նուիրում հայոց արդար Դատին ու հայ ժողովուրդի արդար իրաւունքներուն։

Այդ աննման տղոց զոհաբերութիւնն ու թափած արիւնը ի զուր չանցաւ, անոնց արիութեան արձագանգները թափանցեցին երկաթէ վարագոյրէն ներս եւ ինչպէս արտասահմանի նոյնպէս նաեւ հայրենիքէն ներս անոնք վերածուեցան մէկական ,Նէմէսիսիե։

Լիզպոնի տղաքը կը գիտակցէին ցնցելու համար միջազգային կեցուածքը ընդդէմ Հայ Դատի պէտք է արտասովոր ու գերմարդկային արարք ուր համայն աշխարհ պիտի սկսէր հետաքրքրուիլ Հայոց Ցեղասպանութեամբ։

Ու այս արարքէն ետք եւրոպական բազմաթիւ երկիրներ ճանչցան Հայոց Ցեղասպանութիւնը։

Ժամանակները փոխուած են ու մենք ալ փոխուած իբր ազգ։ Ազատագրուած է Արցախը, վերանկախացած է Հայաստանի Հանրապետութիւնը, որ ողմաշարմ է Միացեալ, Ազատ ու Անկախ Հայաստանի Լիզպոնի 5 տղոց երազին։

Իսկ մենք Արտասահմանի մէջ ոչինչ պիտի խնայենք Հայաստանի եւ Արցախի Հանրապետութիւններուն անվտանգութեան, հզօրացման եւ միասնականութեանը ի խնդիր, ոչինչ պիտի խնայենք Հայ Դատի, հայ ժողովուրդի արդար պահանջատիրութեան։

Անձնազոհութեան Լիզպոնի տղոց 36 տարիներ ետք մեր ազգային բարոյական գործը շարունակելու պարտականութիւնը կանգ չէ առած այդ հերոսներուն թափած արեան իբրեւ պարտք ու յարգանք կարչած մնանք մեր ազգային արժէքներուն չտարուինք մեզ տկարացնող ու ջլատող որեւէ հոսանքի։

Սիրելի մեզմէ յաւէտ հեռացած ընկերներ։

36 տարիներ ետք աշխարհացրիւ հայ ժողովուրդը պաշտամունքով կը պատմէ ու կ’երգէ ձեր անձնազոհութեան մասին։

Ու կ’երդուէ անբիծ պատուովը ձեր ընդարձակել պայքարը մեր։

Աւարտին տեղի ունեցաւ հիւրասիրութիւն։

Be the first to comment

Leave a Reply

Your email address will not be published.


*