Հ.Յ.Դ. Երիտասարդական Միութիւնները Արցախի Մէջ Կը Կազմակերպեն Ճամբարներ

 

ՍՏԵՓԱՆԱԿԵՐՏ, «Ապառաժ».- Երեխաներու ամառնային աշխատանք ապահովելու, արդիւնաւէտ արձակուրդ կազմակերպելու եւ նոր գիտելիքներ հաղորդելու նպատակով, Յուլիս 8-էն մինչեւ Օգոստոս 19, զանազան երկիրներու Հ.Յ.Դ. Երիտասարդական Միութիւններու անդամներ երկշաբաթեայ ցերեկային եւ բակային ճամբարներ պիտի կազմակերպեն Արցախի մէջ։ Այս մասին կը յայտնէ Յասմիկ Յակոբեան։

Ըստ Հ.Յ.Դ. Արցախի Կեդրոնական կոմիտէի անդամ Վահագն Դադայեանի՝ ամառնային ճամբարները պիտի կազմակերպուին ոչ դասական կրթական համակարգի սկզբունքով՝ երեխաներուն մտածողութիւնը եւ ճանաչողութիւնը զարգացնելու, հայրենիքի նկատամամբ պատրաստակամութեան զգացումը, ազգային արժէքները ամրապնդելու, հաւատքը եւ մշակոյթը պահպանելու գաղափարներով զինելու:

«Մեր նպատակն է՝ արտադպրոցական կրթական ծրագրի շուրջ միաւորել աճող սերնդին՝ նրանց հայեցի ոգով դաստիարակելու, հայ ժողովրդի պատմութեանը, ֆիտայական շարժմանը, Դաշնակցութեան պատմութեանը խոր ծանօթացնելու համար», յայտնեց ան:

Կուսակցական շրջանները ա-մառնային ճամբարներ պիտի կազմակերպեն Ստեփանակերտի, Ասկերանի եւ Մարտունիի մէջ, իսկ Ֆրանսայի Հ.Յ.Դ. «Նոր Սերունդ» Երիտասարդական Միութիւնը՝ Շուշիի մէջ:

Տասնօրեայ տեւողութեամբ ա-մառնային ճամբարներուն պիտի մասնակցին զանազան շրջաններէ 10-16 տարեկան 800 պատանիներ:

Վահագն Դադայեանի համաձայն՝ ճամբարներուն երեխաներուն պիտի փոխանցուի համակարգչային գիտելիքներ, բժշկական առաջին օգնութեան, ձեռագործ արուեստի եւ մարզականևուսուցողական խաղերու դասընթացքներ պիտի տրուին։

«Կուսակցական շրջանները գլ-խաւորող սփիւռքեան մեր հայրենակիցները ո՛չ միայն հնարաւորութիւն են ունենալու շփուել տեղացի երեխաների հետ, այլեւ խորը ճանաչելու Արցախի պատմութիւնն ու նրա հոգեւոր ժառանգութիւնը», ըսաւ Վահագն Դադայեան:

«Ապառաժ»ի լրագրողը կը գրէ, թէ 19 Յունիսին, կրթութեան եւ գիտութեան նախարարութեան ու բանակի միացեալ ջանքերով անհոգ եւ ուրախ ամառնային օրերով քսանօրեայ հաճելի ճամբարներ կազմակերպուեցան Հանքավանի եւ Ծաղկաձորի մէջ: Այս մասին «Ապառաժ»ին յայտնեց նախարարութեան ռազմահայրենասիրական դաստիարակութեան եւ արտադպրոցական ծրագիրներու բաժինի վարիչ Ստեփան Օհանջանեան:

Ըստ անոր՝ անհրաժեշտ բոլոր տուեալներով հարուստ ճամբարներ նախատեսուած են ընկերային դժուարութիւններ ունեցող  10-13 տարեկան շուրջ 200 աշակերտներու համար, որոնց համար պիտի կազմակերպուին զանազան ծրագիրներ։ Այլ շրջաններու մանուկներուն եւ պատանիներուն համար ալ այլազան զբաղումներով հարուստ յայտագիրներ նախատեսուած են։

Յուլիսին Ծմակահող համայնքին մէջ տեղի ունենալիք ճամբարին պիտի միանան նաեւ աշակերտներ Երեւանէն եւ Լիբանանէն։

Be the first to comment

Leave a Reply

Your email address will not be published.


*