«ՊՈՍԹԸՆ ՓՈՓՍ»․- ԼՕՐԱ ՆԱՒԱՍԱՐԴԵԱՆԻ ԵԼՈՅԹԸ


ՊՈՍԹԸՆ.- Ուրբաթ Յունիս 14-ին, յաջորդաբար 68-րդ անգամ ըլլալով նշուեցաւ «Պոսթըն Փոփս»-ի հայկական յատուկ երեկոն, հանրածանօթ «Սիմֆընի Հօլ» սրահին մէջ, կազմակերպութեամբ Հայ Մշակոյթի Բարեկամներու Հիմնարկին (Friends of Armenian Culture Society):
Երիտասարդ թաւջութակահար Լօրա Նաւասարդեան, որ հազիւ 16 գարուններ բոլորած է, մեծ հմտութեամբ ներկայացուց երկու դժուար գործեր, որոնք արժանացան երկար ծափողջոյններու։ Նաւասարդեան նուագեց Չայքովսքիի «Փեցօ քափրիչիոզօ»-ն եւ Քամիլ Սէն Սանսի «Կենդանիներու դիմակահանդէս»-ի հանրածանօթ «Կարապ»-ը։
«Պոսթըն Փոփս»-ի խմբավարն էր Ճաքօմօ Պարիոսը։ Յաւելեալ տեղեկութիւններու համար.- www.FACSBoston.org:

Be the first to comment

Leave a Reply

Your email address will not be published.


*