Եուրօ-2020. – Յունաստան – Հայաստան 2-3

ԱԹԷՆՔ․- Եւրոպայի ոտնագնդակի ազգային խումբերու ոտնագնդակի ախոյեանութեան զտումի մրցումի մը ընթացքին, Հայաստանի ազգային հաւաքականը հիւրը եղաւ Յունաստանի եւ արձանագրեց իր երկրորդ յաջորդական յաղթանակը` 3-2 արդիւնքով: Ապաովելով առաւելագոյն վեց կէտերը, Հայաստան գրաւեց երրորդ դիրք, գերազանցելով Յունաստանն ու Պոսնիան:

Ա. կիսախաղին Հայաստան նշանակեց երկու կոլ, շնորհիւ Ալեքսանտր Կարապետեանի (8-րդ) եւ Գէորգ Ղազարեանի (32-րդ):

Յունաստան 54-րդ վայրկեանին կոլ մը նշանակեց, սակայն 74-րդ վայրկեանին, Տիգրան Բարսեղեան նշանակեց Հայաստանի երրորդ կոլը: 87-րդ վայրկեանին Յունաստան նշանակեց իր երկրորդ կոլը եւ հակառակ վերջին վայրկեաններուն կատարած ճնշումներուն, արդիւնքը մնաց ամբոբոխ:

Հայաստանի գլխաւոր մարզիչ Արմէն Գիւլբուդաղեանց դաշտ ներկայացուց հետեւեալ կազմը.

Արամ Հայրապետեան, Վարազդատ Հարոյեան, Հայկ Իշխանեան, Յովհաննէս Համբարձումեան, Արտակ Գրիգորեան, Կամօ Յովհաննիսեան, Կարլեն Մկրտչեան (Ռումեան Յովսէփեան, 55-րդ), Հենրիխ Մխիթարեան, Գէորգ Ղազարեան (Պետրոս Աւետիսեան, 83-րդ), Տիգրան Բարսեղեան եւ Ալեքսանտր Կարապետեան (Էտկար Բաբայեան, 71-րդ):

Հայաստան իր յաջորդ մրցումը կը կատարէ 5 սեպտեմբերին` հիւրընկալելով Իտալիան:

Ստորեւ` դասաւորման պատկերը.

1.- Իտալիա 12 կէտ
2.- Ֆինլանտա 9 կէտ
3.- ՀԱՅԱՍՏԱՆ 6 կէտ
4.- Յունաստան 4 կէտ
5.- Պոսնիա  4 կէտ
6.- Լիխթնշթայն 0 կէտ

Be the first to comment

Leave a Reply

Your email address will not be published.


*