Հ.Յ.Դ. Բիւրոյի Ներկայացուցիչ Յակոբ Տէր խաչատուրեան Այցելեց Անճար եւ Կիպրոս

Հ․Յ․Դ․ Բիւրոյի ներկայացուցիչ Յակոբ Տէր Խաչատուրեան, Եւրոպայի Հայ Դատի մարմնի նախագահ Գասպար Կ՚արապետեանի եւ գործադիր տնօրէն Հեղինէ Էւինեանի ընկերակցութեամբ այցելեց Կիպրոս:
Յունիս 10-ին, Տէր Խաչատուրեան մասնակցեցաւ Հ․Մ․Ը․Մ․-ի հարիւրամեակին նուիրուած յուշարձանի բացման արարողութեան: Ան նաեւ, հանդիպում մը ունեցաւ Կիպրոսի խորհրդարանի նախագահ Տիմիթրիս Սիլուրիսի հետ։
Այս հանդիպման ներկայ էին նաեւ Կիպրոսի խորհրդարանի հայ պատգամաւոր Վարդգէս Մահտեսեանը, Հ․Յ․Դ․ Կիպրոսի Կեդրոնական Կոմիտէի ներկայացուցիչ Սիմոն Այնէճեանը եւ Կիպրոսի Հայ Դատի մարմնի ներկայացուցիչ Յակոբ Գազանճեանը:
Նախքան այս այցելութիւնը, Յունիս 8-ին, Հ․Յ․Դ․ Բիւրոյի ներկայացուցիչ Յակոբ Տէ Խաչատուրեան այցելած էր Անճար, ուր կարճ հանդիպումներ ունեցած էր, տեղւոյն պատկան մարմիններուն եւ քաղաքապետ Վարդգէս Խոշեանին հետ։

Be the first to comment

Leave a Reply

Your email address will not be published.


*