Ապրիլեան Ձեռնարկներ՝  Ռոտ Այլընտի Մէջ

ՓՐՈՎԻՏԸՆՍ․- Ռոտ Այլընտի մէջ, քանի մը ձեռնարկներով նշուեցաւ հայոց ցեղասպանութեան 104-ամեակը։ Չորեքշաբթի, Ապրիլ 17-ին տեղի ունեցաւ դրօշակի արարողութիւն Քրանսթըն Սրթի քաղաքապետարանին մէջ։

Օրուան հանդիսավարն էր Լեւոն Աթթարեանը, որ բեմ հրաւիրեց քաղաքապետ Ալըն Ֆանկը, իր խօսքը փոխանցելու։ Ան մեծարեց, գաղութէն ներս տարիներ շարունակ ծառայած Արա Նալպանտեանը։ Նաեւ խօսք առին շրջանի քաղաքապետարանի խորհուրդի նախկին անդամներէն՝ Արամ Կարապետեան եւ ներկայացուցիչ՝ Քաթըրին Նազարեան։  Երիտասարդներ՝ Տեյվիտ Ալտըն Սիրզ (Սուրբ Սահակ եւ Մեսրոպ եկեղեցի) եւ Արթըր Արսլանեան  (Հ․Մ․Ը․Մ․ եւ Հ․Ե․Դ․) իրենց կարգին խօսք առին։ Շրջանի Հայ Դատի յանձնախումբի պատգամը  փոխանցեց Սեւան Զօպեան։ Բացման աղօթքը կատարեց Սուրբ Վարդանանց եկեղեցւոյ հովիւ Գաբրիէլ Նազարեան։ Ա․Մ․Ն․-ի եւ Հայաստանի քայլերգներ երգեցին Այլշա Ֆիլիփս եւ Աննա Մարիա Տանայեան։

Ծերակուտականներ՝ Ճէք Ռիտի եւ Շելտըն Ուայթհաուզի ներկայացուցիչները ներկայ էին այս միջոցառման։ Փակման աղօթքը կատարեց Սուրբ Սահակ եւ Մեսրոպ եկեղեցւոյ հովիւ՝ Շնորք Սոյն։ Նաեւ ներկայ էին Կոմիտաս Պաղսարեան (Սուրբ Վարդանանց եկեղեցի) եւ պատուելի Յակոբ Մանճելիկեան (Հայոց աւետարանական եկեղեցի)։

Երկուշաբթի, Ապրիլ 22-ին, տեղի ունեցաւ դրօշակի արարողութիւն Փրովիտենսի արեւելեան շրջանի քաղաքապետարանի սրահին մէջ։ Օրուան հանդիսավարն էր Քրիսթին Էնկուսթեանը։ Խօսք առաւ շրջանի քաղաքապետ Ռոպերթօ Տա Սիլվան, որ յատուկ յուշանուէրով մը պատուեց շրջանի բնակիչներէն՝ Մայքըլ Թովմասեանը։ Յակոբ Կարապետեան նուագեց երկու քայլերգները, իսկ աղօթքը մատուցեց Սուրբ Վարդանանց եկեղեցւոյ հովիւ Գաբրիէլ Նազարեանը։

Նշենք, թէ Ռոտ Այլընտի ծերակուտականն ու ներկայացուցչական տունը անգամ մը եւս յատուկ բանաձեւով մը, պատշաճօրէն ճանչցան հայոց ցեղասպանութիւնը։

Be the first to comment

Leave a Reply

Your email address will not be published.


*