ՈՒԱՇԻՆԿԹԸՆ․- ՑԵՂԱՍՊԱՆՈՒԹԵԱՆ ՈԳԵԿՈՉՈՒՄ 


ՈՒԱՇԻՆԿԹԸՆ.- Քոնկրէսին մէջ Հայոց Ցեղասպանութեան ոգեկոչման հաւաքը  տեղի ունեցաւ Ապրիլ 9-ին, Ծերակոյտի «Հարթ» շէնքին մէջ։

Ոգեկոչմնան ձեռնարկին ընթացքին, Ամերիկայի Հայ Դատի գործադիր վարիչ Արամ Համբարեան շնորհակալութիւն յայտնեց բանաձեւեր ներկայացնողներուն եւ անոր հովանաւորներուն, ինչպէս նաեւ Քոնկրէսի Հայկական համախմբումին։ Հայոց Ցեղասպանութեան բանաձեւը Ներկայացուցիչներու տան ներկայացուցած քոնկրէսականներ Էտըմ Շիֆ եւ Կաս Պիլիրաքիս խօսք առնելով, արտայայտուեցան բանաձեւին պատրաստութեան եւ ցարդ անոր զօրակցող 76 հովանաւորներուն աջակցութիւնը ապահովելու երկկուսակցական աշխատանքին մասին։ Նշուեցաւ նաեւ, որ նոյն օրը ծերակուտականներ Պապ Մենենտէս եւ Թետ Քրուզ Ծերակոյտին ներկայացուցին վերոյիշեալ բանաձեւին մէկ տարբերակը, 14 այլ ծերակուտականներու աջակցութեամբ։

Ձեռնարկին ներկայ էին Քոնկրէսի Հայկական համախմբումի համաատենապետներ՝ Ֆրենք Փալոն, Ճեքի Սփիր եւ Կաս Պիլիրաքիս, ինչպէս նաեւ փոխատենապետ Էտըմ Շիֆ եւ քոնկրէսականներ՝ Ճուտի Չու, Քեթրին Քլարք, Ճիմ Քոսթա, Ճաշ Կաթիմըր, Ռաժա Քրիշնամութի, Պրետ Շնայտըր, Պրետ Շըրմըն եւ Թի. Ճէյ. Քոքս։

Օրուան հանդիսավարն էր Քոնկրէսի անձնակազմի երկարամեայ անդամներէն՝ Ալիս Քենտէրեան -Արընսըն, իսկ քոնկրէսականներուն կողքին ելոյթ ունեցողներուն շարքին էին՝ Ա․Մ․Ն․ արեւելեան շրջանի Առաջնորդ՝ Անուշաւան Արք․ Դանիէլեան, Միացեալ Նահանգներու մօտ Հայաստանի դեսպան Վարուժան Ներսէսեան, Արցախի ներկայացուցիչ՝ Ռոպերթ Աւետիսեան, Հայաստանի մօտ Միացեալ Նահանգներու նախկին դեսպան՝ Ճան Էվընզ, Հ․Յ․Դ․ արեւելեան շրջանի Հայ Դատի ներկայացուցիչ՝ Անի Չաղլասեան, շրջանի յովիս Սարգիս Ագթաւուգեան  եւ Քոնկրէսի Հայ պաշտօնեաներու միութեան ատենապետ՝ Մարիա Մարտիրոսեան։ Ներկայ էր նաեւ Մերիլընտի նահանգային խորհրդարանի անդամ Լոռիկ Չարխուտեան։

Be the first to comment

Leave a Reply

Your email address will not be published.


*