Հայ Դատը Ողջունեց Թուրքիոյ Շնորհուած Առեւտրական Նախապատուութիւնները Ետ Խլելու Ուաշինկթընի Քայլը

ՈՒԱՇԻՆԿԹԸՆ.- Հայ Դատի յանձնախումբը եւ յոյն-Ամերիկեան ղեկավարման խորհուրդը միացեալ յայտարարութեամբ մը ողջունեցին Թուրքիոյ շնորհուած առեւտրական նախապատուութիւնները ետ խլելու Ուաշինկթընի Մարտ 4-ի որոշումը, զայն ամերիկեան շահերը պաշտպանող քայլ մը նկատելով։
Թուրքիոյ առեւտուրի նախարար Ռուհսար Փեքճան Մարտ 5-ին քննադատեց այս քայլը՝ ազդարարելով, որ անիկա վնաս պիտի հասցնէ երկկողմանի առեւտուրը 75 միլիառ տոլարի հասցնելու ջանքերուն։ Դրութիւնը կը գործածուի տկար տնտեսութիւն ունեցող երկիրներու համար՝ անոնցմէ կարգ մը արտադրութիւնները առանց մաքսատուրքի Ամերիկա արտածելու առիթ ընծայելով անոնց։
Այս դրութեան հետեւանքով, թրքական արտածումներուն նախապատուութիւն կը տրուէին, որուն հետեւանքով թրքական ապրանքները շատ աւելի աժան կարելի կ՛ըլլար ծախել՝ վնաս հասցնելով ամերիկեան շուկային։
Նախագահ Տանըլտ Թրամփ այս որոշումին համար տուած էր այն բացատրութիւնը, թէ Թուրքիոյ տնտեսութիւնը բաւարար կերպով զարգացած է այժմ եւ կարիքը չունի նման աջակցութեանց։

Be the first to comment

Leave a Reply

Your email address will not be published.


*