Բողոքի Ցոյց Ատրպէյճանի Դեսպանատան Դիմաց


ՈՒԱՇԻՆԿԹԸՆ․- Կիրակի, 17 Փետրուարին, Հայ Երիտասարդաց Դաշնակցութեան ՝՝Անի՝՝ ուխտին կազմակերպութեամբ եւ մասնակցութեամբ մօտակայ շրջաններու հայորդիներուն, բողոքի ցոյց մը կատարուեցաւ Միացեալ Նահանգներու մօտ Ատրպէյճանի դեսպանատան առջեւ։
Ցուցարարները դէմ արտայայտուեցան Մատրիտեան սկզբունքներուն, որոնք հայկական կողմէն հողային զիջումներ կը պահանջեն ատրպէյճանական կողմին անորոշ խոստումներուն փոխարէն։ Անոնք նշեցին յիշատակը, 1988-էն 1992-ին Սումկայիթի, Կիրովապատի եւ Պաքուի մէջ սպաննուած հայորդիներուն։ Լուսարձակի տակ առնուեցաւ հայ սպայ Գուրգէն Մարգարեանի պարագան, որուն սպանութեան 15-րդ տարելիցն էր։

Նշենք, որ 19 Փետրուար 2004-ին, Գուրգէն Մարգարեան կացինի հարուածով սպաննուած էր Հունգարիոյ մայրաքաղաք Պուտափեշթի մէջ, ատրպէյճանցի սպայ՝ Ռամիլ Սաֆարովի կողմէ, ՆԱԹՕ-ի միացեալ մարզումի մը ընթացքին։ Յետագային Սաֆարով, անարդարօրէն ազատ արձակուած եւ ազգային հերոս հռչակուած էր Ատրպէյճանի մէջ։
Նշենք թէ, սպայ Գուրգէն Մարգարեանի եւ Ատրպէյճանի զանազան քաղաքներու մէջ զոհուած հայորդիներու յիշատակին հոգեհանգիստ եւ պատարագ տեղի ունեցաւ, ներկայութեամբ հովիւ Սարգիս Ագթավուքեանի, որ նաեւ իր մասնակցութիւնը բերած էր այս ցոյցին։

Be the first to comment

Leave a Reply

Your email address will not be published.


*