Արցախեան Ազատագրման 31-ամեակ

Մեղրի Տէր Վարդանեան

Հայ Երիտասարդաց Դաշնակցութեան Պոսթընի «Նժդեհ» մասնաճիւղ

«Հազար շեփոր հնչեն թող այս երեկոյ, հազար թմբուկ հնչեն թող այս երեկոյ, լոյսի հեղեղ, յոյսի տօն է, խնդութիւն, հազար շեփոր հնչեն թող այս երեկոյ։»

Այո հազար, տասը հազար, հարիւր հազար շեփորներ թող հնչեն ամէնուր, Արցախի ազատագրման 31-րդ ամեակն է որ կը տօնենք այս տարի։

31 տարի առաջ, Փետրուարեան վերջին օրերուն, ծնունդ առաւ Արցախեան շարժումը` գլխաւոր նպատակ ունենալով Արցախի սուրբ հողաշերտը վերամիացնել մայր հայրենիքին: Փետրուար 21, 1988 թուականը հայոց ժամանակակից պատմութեան մէջ պիտի մնայ իբրեւ անմոռանալի թուական: Այդ օր Երեւանի այժմու Ազատու-թեան հրապարակին վրայ համախմբուեցան շուրջ մէկ միլիոն հայորդիներ, որոնք Հայաստանի մայրաքաղաքին երկնակամարը փակեցին “Արցախը մերն է“ կարգա-խօսով:

Այս 31 տարուան ընթացքին, Արցախը սլացաւ, եւ օր ըստ օրէ դարձաւ աւելի արդիւնաւէտ, աւելի սխրալի, եւ աւելի հաստատակամ, եւ կրցաւ հասնիլ բարձր դիրքերու։

Շնորհիւ Արցախցիի աննկուն կամքին, մարտական ոգիին, եւ բարձր գիտակցութեան, Արցախը այսօր կը վայելէ բոլոր հայութեան յարգանքն ու սէրը։ Յանուն ապրելու եւ մարտնչելու վսեմ գաղափարին, Արցախցին կռուեցաւ, զոհուեցաւ որպէսզի խաղաղ եւ ապահով ապագայ մը կերտէ նորահաս սերունդին։

Ազատագրման 31-ամեակի սեմին, մեր բոլորիս յարքանքը եւ պատիւը կ՛երդայ հայոց բանակին, Արցախի նորակոչիկներուն որոնք մոռցած քուն ու հանգիստ, տուն եւ ընտանիք, գիշեր ու ցերեկ արթուն կը հսկեն եւ կը պաշտպանեն մեր սահմանները, թշնամիի վոհմակներէն։

Բիւր յարգանք ու պատիւ բոլոր անոնց, որոնք զոհուեցան վասն հայրենեաց, Արցախի ազատագրման պայքարի ճանապարհին։ Փառք ու պատիւ մեր բոլոր մարտականներուն, կեցցէ՛ Արցախը, եւ կեցցէ՛ հայ ժողովուրդը։

Be the first to comment

Leave a Reply

Your email address will not be published.


*