ՀԱԼԷՊ.- ԱՐԱՄ ՄԱՆՈՒԿԵԱՆԻ ՄԱՀՈՒԱՆ 100-ԱՄԵԱԿԻ ՈԳԵԿՈՉՄԱՆ ՁԵՌՆԱՐԿ


ՀԱԼԷՊ․- Շաբաթ, Փետրուար 2-ի երեկոյեան, Արամ Մանուկեան Ժողովրդային տան «Լեւոն Շանթ» սրահին մէջ, շուրջ հարիւր հայորդիներու ներկայութեան տեղի ունեցաւ Արամ Մանուկեանի մահուան հարիւրամեակի ոգեկոչման ձեռնարկը, հովանաւորութեամբ Բերիոյ Հայոց Թեմի Բարեջան Առաջնորդ Գերաշնորհ Տէր Շահան Սրբ. Արք. Սարգիսեանի, կազմակերպութեամբ Համազգայինի «Նիկոլ Աղբալեան» մասնաճիւղի «Մուշեղ Իշխան» գրական յանձնախումբին,: Օրուան հանդիսավար, Համազգայինի Գրական Յանձնախումբի անդամ Նանոր Նալպանտեան ձեռնարկը բաց յայտարարելով ներկաները հրաւիրեց մէկ վայրկեան յոտնկայս լռութեամբ յարգելու Սուրիոյ նահատակներուն յիշատակը:

Օրուան բանախօս Քրիստափոր Հարպոյեան ներկայացուց Արամ Մանուկեան մարտիկն ու ղեկավարը:
Ան Արամի ամփոփ կենսագրութիւնը ներկայացնելէ ետք, անդրադարձաւ Վանի գործունէութեան, Արամի նկարագրային գիծերուն, 1915ին Վանի յաղթական ինքնապաշտպանութեան շնորհիւ 70 օրուան փոքրիկ պետութեան մը ստեղծման, ապա Արամի Երեւանի գործունէութեան, մայիսեան յաղթանակին բերած իր ներդրումին եւ Հայաստանի Առաջին Հանրապետութեան կերտման բերած իր նպաստին:
Ներկաներուն օրուան եզրափակիչ պատգամը ուղղեց Բերիոյ Հայոց թեմի առաջնորդ Շահան արք. Սարգիսեան:
Սրբազան հայրը բարձրօրէն գնահատելէ ետք Գրական յանձնախումբը եւ յատկապէս օրուան բանախօսը, այս նախաձեռնութիւնը համարեց ժողովուրդի գիտակցութեան բարձրացման իմաստով անհրաժեշտ հանդիպում մը ու ըսաւ.
Ձեռնարկը աւարտին հասաւ սրբազան հօր «Պահպանիչ» աղօթքով:

Be the first to comment

Leave a Reply

Your email address will not be published.


*