Յայտարարութիւն

Հայ Յեղափոխական Դաշնակցութեան 33-րդ Ընդհանուր ժողովը յայտարարում է`

Արցախի Հանրապետութեան Անկախութեան հռչակագրով եւ Սահմանադրութեամբ ամրագրուած Անկախ պետականութեան կարգավիճակն ու տարածքային ամբողջականութիւնն անսակարկելի են:

Հայաստանի եւ Արցախի Հանրապետութիւնների միջեւ ռազմաքաղաքական դաշինքի մասին համաձայնագրի սեղմ ժամկէտներում կնքումը հրատապ անհրաժեշտութիւն է:

Աշխարհասփիւռ իր կառոյցով, Հ.Յ. Դաշնակցութիւնն անվերապահ աջակցութիւն է յայտնում Արցախի Հանրապետութեան իշխանութիւններին` երկրի սոցիալ-տնտեսական զարգացման, անվտանգութեան եւ տարածքային ամբողջականութեան ապահովման հարցերում եւ յայտնում է իր պատրաստակամութիւնը` շարունակելու այդ յանձնառութիւնը:

Նկատի ունենալով վերջին ամիսներին Արցախի շուրջ բանակցութիւնների ակտիւացումը, այդ ընթացքում հակամարտութեան կողմերի եւ միջնորդների արուած յայտարութիւններով ու քայլերով պայմանաւորուած մտահոգութիւնները,

Հ.Յ.Դ. 33-րդ Ընդհանուր ժողովը արձանագրում է`

Բանակցութիւնները պէտք է ընթանան Արցախի Հանրապետութեան իշխանութիւնների լիարժէք մասնակցութեամբ,
Հայաստանի իշխանութիւնները պարտաւոր են միջազգային հարթակներում շարունակել հանդէս գալ Արցախի անկախութեան եւ անվտանգութեան երաշխաւորի յանձնառութեամբ:
Հ.Յ. Դաշնակցութեան 33-րդ Ընդհանուր ժողով
Ստեփանակերտ, Արցախի հանրապետութիւն,

24 Յունուար, 2019

Be the first to comment

Leave a Reply

Your email address will not be published.


*