Ա.Մ.Ն. ԱՐԵՒԵԼԵԱՆ ՇՐՋԱՆԻ Հ.Ե.Դ.-Ի 85-ՐԴ ՇՐՋԱՆԱՅԻՆ ԺՈՂՈՎԸ՝ ԿՐԱՆԻԹ ՍԻԹԻԻ ՄԷՋ

Դեկտեմբեր 26-էն 30, Կրանիթ Սիթիի մէջ, տեղի ունեցաւ Ա.Մ.Ն. Արեւելեան շրջանի Հ.Ե.Դ.-ի 85-րդ շրջանային ժողովը, մասնակցութեամբ տարբեր շրջաններէ ժամանած 26 պատգամաւորներու։ Պատգամաւորները կը ներկայացնէին զանազան շրջաններ՝ Տիթրոյթ, Շիքակօ, Ռէյսին,Ուաշինկթըն,Նիւ Եորք, Նիւ Ճըրզի, Պոսթըն, Փրովիտընս, Ուսթըր, եւ Ֆիլատելֆիա։ Հիւրաբար ներկայ էր Գանատայի շրջանի ներկայացուցիչը: Ժողովին ներկայ էր նաեւ շրջանի Կ.Կ.-ի ներկայացուցիչ՝  Հայկ Օշական։

Ժողովի ընթացքին, պատգամաւորները բազմակողմանի քննարկումներ կատարեցին եւ արժեւորեցին միութեան անցնող տարեշրջանի աշխատանքները:
Ժողովը մանրամասնօրէն քննեց ներքին կազմակերպական, երիտասարդական եւ Հ.Ե.Դ.- ի պատանեկան միութեան հարցեր, հայերէն լեզուի կարեւորութիւն, Մայիսեան անկախութեան հարիւրամեակ, Արցախի մէջ Առաջամուղ գիւղի վերակառուցման նախագիծ, Հայաստանի ուղեգիծներ, Հայ Դատի ծրագիրներ եւ յառաջացուց առաջարկներ: Ժողովը յատկապէս կարեւորեց ամառնային Ջաւախք Ճամբարի ծրագրի ընդլայնումը։
Ժողովի ընթացքին հաւաքուեցաւ $1․800, որ պիտի նուիրուի Կանանց Աջակցման կեդրոնին։

Աւարտին, ընտրուեցաւ 2019 տարեշրջանի Հ.Ե.Դ. -իԱ.Մ.Ն. Արեւելեան Շրջանի Կեդրոնական Վարչութեան նոր կազմը: Նորընտիր մարմնին անդամներն են.

․ Վրէժ Տաուլէ (Շիքակօ)
. Մեղրի ՏԷրվարդանեան (Պոսթըն)
. Կարին Պետեան (Շիքակօ)
. Քնար Չարչաֆլեան (Ուսթըր)
. Արամ Թրամպլեան (Նիւ Եորք)
. Նարէ Մկրտիչեան (Փրովիտընս)
. Վարդէնի Քէշիշեան (Նիւ Ճըրզի)

Be the first to comment

Leave a Reply

Your email address will not be published.


*