ԱՌԱՋՆՈՐԴ ԱՆՈՒՇԱՒԱՆ ՍՐԲԱԶԱՆԻ ՈՒՈԹԸՐԹԱՈՒՆ ԱՅՑԵԼՈՒԹԻՒՆԸ

 

Անուշաւան Սրբազան Հայր, Տ. Անդրանիկ Աւ. քհնյ. Պալճեան եւ Տ. Վազգէն Աւ. քհնյ. Պէքեարեան սարկաւագներու եւ դպրաց դասի անդամներուն հետ

Իր այցելութիւններու շարքին մէջ, անցեալ Դեկտեմբեր 21-էն 23, Ա․Մ․Ն․-ի արեւելեան թեմի Առաջնորդ Անուշաւան Արքեպիսկոպոս այցելեց Ուոթըրթաուն (Մասաուսէց)։ Ուրբաթ, 21 Դեկտեմբերին, Սրբազան Հայրը այցելեց Սուրբ Ստեփանոս ամէնօրեայ վարժարանը, ուր հանդիպում ունեցաւ իւրաքանչիւր դասարանի աշակերտներուն հետ։ Երեկոյեան, ան հիւրը եղաւ եկեղեցւոյ հոգաբարձութեան՝ իրեն ի պատիւ տրուած ընթրիքի մը ընթացքին։ Շաբաթ, 22 Դեկտեմբերին, Սրբազան Հայրը հանդիպեցաւ Սուրբ Ստեփանոս շաբաթօրեայ վարժարանի աշակերտներուն հետ եւ նախագահեց Կաղանդի տօնակատարութիւնը։

Եկեղեցականները՝ Հոգաբարձութեան հետ

Կիրակի, 23 Դեկտեմբերին, Առաջնորդ Սրբազան Հայրը պատարագեց ու քարոզեց Սուրբ Ստեփանոս եկեղեցւոյ մէջ։ Յաւարտ Սուրբ Պատարագի, Ս. Ստեփանոս Նախավկայի տօնին առիթով յատուկ արարողութիւն մը տեղի ունեցաւ, որմէ ետք Անուշաւան Սրբազան ծխականներուն հանդիպեցաւ եկեղեցւոյ սրահին մէջ՝ յատուկ հիւրասիրութեան մը ընթացքին։ Իր կեցութեան օրերուն, ան կարգ մը ընտանիքներու անձնական այցելութիւններ տուաւ։

Առաջնորդ Սրբազան Հայրը, Տ. Անդրանիկ Պալճեան եւ Գերպ. Տ. Սահակ Ծ. Վրդ. Եմիշեան՝ Ս. Ստեփանոս ամէնօրեայ վարժարանի տնօրէնուհի տիկ. Հուրի Պոյամեանի եւ 4-րդ ու 5-րդ դասարաններու աշակերտներուն հետ
Ս. Ստեփանոս ամէնօրեայ վարժարանի վարի կարգի աշակերտներուն հետ
Առաջնորդ Սրբազան Հայրը Ս. Ստեփանոս շաբաթօրեայ վարժարանը կ՚այցելէ

 

 

Be the first to comment

Leave a Reply

Your email address will not be published.


*