ՏԻԹՐՈՅԹԻ Հ.Յ.Դ. «ԱԶԱՏԱՄԱՐՏ» ԿՈՄԻՏԷՈՒԹԻՒՆԸ ՏՕՆԵՑ ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹԵԱՆ 128-ՐԴ ԱՄԵԱԿԸ

 ՇՈՂԵՐ ՈՒՐԼԵԱՆ

Տիթրոյթի Հ.Յ.Դ. «Ազատամարտ» կոմիտէն Դեկտեմբեր 9¬ին, կէսօուան ժամը 1¬ին՝ նշեց Հայ Յեղափոխական Դաշնակցութեան 128¬րդ ամեակը մօտ 200 համակիրներու եւ կուսակցականներու ներկայութեամբ։

Օրուան յայտագիրը սկսաւ Ամերիկայի Միացեալ Նահանգներու, Հայաստանի եւ Հ.Յ.Դ. «Մշակ Բանուոր» քայլերգներով՝ կատարողութեամբ՝ Շանթ Մասոյեանի, որ Նիւ Ճըրզիէն եկած էր օրուան յայտագրին մաս կազմելու։

Քէն Խաչիկեան

Բացման խօսքը կատարեց Հ.Յ.Դ. «Ազատամարտ» կոմիտէի հերթապահ Ռաֆֆի Ուրլեան, որ իր հակիրճ խօսքին մէջ անդրադարձաւ Հ.Յ.Դ.¬ի հարուստ 128 տարուայ պատմութեան եւ

Արա Չալեան

Հ.Յ.Դ.¬ի նպատակներուն։ Օրինակ տալով Հայաստանի Ա. Հանրապետութեան 100 ամեակը, որ ինչպէս Հայ Յեղափոխական Դաշնակցութիւնը

Ռաֆֆի Ուրլեան

գլխաւոր դեր խաղցաւ այս պատմական հանգրուանին։ Ինչպէս նաեւ կեդրոնացաւ Հ.Յ.Դ.¬ի տարած սփիւռքի հայապահպանման աշխատանքին, իր յարակից միութիւններով՝ Հայ Երիտասարդաց Միութիւն, Հ.Օ.Մ., Համազգային, Հ.Մ.Ը.Մ. եւ Հայ Դատ։

Սեղանի օրհնութենէն եւ համադամ ճաշերու հիւրասիրութենէն ետք, սկսաւ օրուան յայտագիրը։ Տիթրոյթի Հայ Երիտասարդաց Միութեան «Կոպեռնիկ Թանտրճեան» մասնաճիւղի ատենապետուհի՝ Հելէն Աթար փոխանցեց երիտասարդութեան պատգամը եւ յատուկ շնորհակալութիւն յայտնեց Հ.Յ.Դ. «Ազատամարտ» կոմիտէի իր առաջնորդութեան եւ օժանդակութեան համար։

Օրուան առաջին բանախօսն էր Քէն Խաչիկեան՝  Շիքակոյէն, Հայ Դատի Արեւելեան շրջանի Գործադիր վարչութեան նախկին ատենապետ եւ Հայ Իրաւական կեդրոնի ատենապետ։ Խաչիկեան բացատրեց ինչպէս հայ գաղութները եւ հայորդիները կրնան իրենց իրաւական պահանջքները ձեռք ձգել։ Անդրադարձաւ այս կէտի կարեւորութեան վրայ թէ մեր անցեալի կալուածքներու պահանջատիրութեան համար, եւ ներկայիս ալ Արցախի ինքնավարութեան իրաւունքին եւ հայ ժողովուրդի մարդկային իրաւունքներուն առնչութեամբ, ինչպէս ինքզինք ղեկավարելու եւ ազատ անկախ պատմական հողերու վրայ բնակելու իրաւունքին։

Յաջորդ բանախօսն էր՝ Ֆիլատելֆիայէն ժամանած, Արեւելեան Շրջանի «Շիրակեան» Կեդրոնական կոմիտէի անդամ՝ Արա Չալեան, որ փոխանցեց Կեդրոնական Կոմիտէին շնորհաւորութիւնները Տիթրոյթի գաղութին եւ Հ.Յ.Դ. «Ազատամարտ» կոմիտէին, իրենց ազգանուէր եւ անձնուէր աշխատանքներուն եւ հաստատեց որ Տիթրոյթի գաղութը որպէս բարի օրինակ կը ճանչցուի Արեւելեան շրջանի մէջ։ Ինչպէս նաեւ անդրադարձաւ Հ.Յ.Դ.¬ի երկարամեայ եւ հարուստ պատմութեան, եւ Հ.Յ.Դ.¬ի եզակի դերակատարութեան հայ գաղութները կերտելու, առաջնորդելու եւ հայ պահելու։ Խօսքը եզրափակեց ներկաներուն եւ մանաւանդ երիտասարդներուն հրաւիրելով գործունեայ եւ եռանդուն անդամ ըլլալ գաղութին, մասնաճիւղերուն եւ Հայ Յեղափոխական Դաշնակցութեան եւ մասնակից ըլլալ ապագայի կերտումին։

Օրուան բանախօսներու խօսքէն ետք Ռաֆֆի Ուրլեան խօսք առաւ եւ բացատրեց Տիթրոյթի Հ.Յ.Դ. «Ազատամարտ» կոմիտէի բարի սովորութեան՝ Երիտասարդ Առաջնորդի Գարեգին Նժդեհի մրցանակի եւ համակիրի մրցանակներու մասին։ Ան նշեց, թէ համակրի մրցանակը կը շնորհուի գաղութի այն անդամներուն, որ կուսակցութեան վարքագծին, սկզբունքներուն, քաղաքական արեւելումին ճշդութեան համոզուած, որ առանց շարքային անդամ ըլլալու կþաշխատին եւ կը ծառայեն այդ գաղափարին եւ նպատակին իրականացման։

Երիտասարդ Առաջնորդի Գարեգին Նժդեհի մրցանակակիրը հանդիսացաւ Հելէն Աթար, օրինակելի անդամ ըլլալուն եւ իր տարած անխոնջ աշխատանքին որպէս ատենապետուհի Հ.Ե.Մ.¬ի «Կոպեռնիկ Թանտրճեան» մասնաճիւղի։

Համակիրի Մրցանակի արժանացան քոյր. Կարինէ Չոփչեան տարիներու Հ.Մ.Ը.Մ. գլխաւոր խմբապետուհի անձնուէր աշխատանքին համար։ Սօսի Փալանճեամն՝ Հ.Օ.Մ.¬ի «Ցոլիկ» մասնաճիւղի վարչական եւ Հ.Մ.Ը.Մ.¬ի վարչութեան անդամ եւ Հ.Յ.Դ. ձեռնարկներու կամաւոր աշխատող։ Սիրվարդ Թելպէլեան երկարամեայ Հ.Օ.Մ.¬ի «Շաքէ» մասնաճիւղի ատենապետուհի եւ Հ.Օ.Մ.¬ի Միջ Վարչութեան ատենապետուհի։

Եւ վերջապէս «Յիշատակի Պարգեւ» մրցանակը ներկայացուց Տիթրոյթի «Ազատամարտ» կոմիտէի անդամ Սեպուհ Սարգիսեան, որ ներկայացուց մեզմէ շատոնց բաժնուած՝ Արամ Հարազեանի տարած աշխատանքները եւ խօսեցաւ ընկ. Հարազեանի արժանաւոր կուսակցականի վարքին եւ ներդրումներուն մասին։ Արամ Հարազեանի անուան մրցանակը յանձնուեցաւ իր որդուն՝ Տէյվիտին։ Այս մրցանակը երկրորդն է որ կը տրուի։ Առաջին մրցանակը յանձնուած էր Վարուժան Քչիքեանի ընտանիքին՝ 2015¬ին

Մրցանակներու բաշխումէն ետք բեմը յանձնուեցաւ Շանթ Մասոյեանին, որ ազգային եւ կուսակցական երգերով ներշնջեց ներկաները եւ նորոգեց մեր հոգիները։

 

Be the first to comment

Leave a Reply

Your email address will not be published.


*