Արեւելեան Ա․Մ․Ն․-ի Առաջնորդ Անուշաւան Դանիէլեանի Այցելութիւնները Զանազան Գաղթօճախներ

Անուշաւան Սրբազան Հայրը՝ Տ. Կոմիտասի ու Տ. Գաբրիէլի եւ Փրովիտընսի Սրբոց Վարդանանց եկեղեցւոյ սարկաւագներու, դպիրներու եւ դպրաց դասի անդամներուն հետ

Կիրակի, Նոյեմբեր 25-ին, Փրովիտընսի Սրբոց Վարդանանց ծուխը ցնծութեամբ ընդունեց նորընտիր առաջնորդը։ Անուշաւան Սրբազան Հայրը պատարագեց ու ներշնչող քարոզ մը տուաւ Գոհաբանութեան տօնի մասին, ընդգծելով Աստուծոյ երախտապարտ ըլլալու կարեւորութիւնը մեր քրիստոնէական կեանքին մէջ։ Խորանին կր ծառայէին Արժ. Տ. Կոմիտաս Ա. քհնյ. Պաղսարեան եւ Տ. Գաբրիէլ քհնյ. Նազարեան։

Անուշաւան Սրբազան Հայրը՝ Տ. Կոմիտասի, Տ. Գաբրիէլի եւ Փրովիտընսի Հ․Մ․Ը․Մ․-ի սկաուտական խումբի անդամներու հետ

Յաւարտ Ս. Պատարագի, Սրբազան Հօր ի պատիւ հիւրասիրութիւն մը տրուեցաւ, որ պատրաստուած էր Տիկնանց Յանձնախումբին կողմէ։ Անուշաւան Սրբազան Հայրը ջերմ ընդունելութեան արժանացաւ ծխականներուն կողմէ։
Իսկ Կիրակի, Դեկտեմբեր 9-ին, Անուշաւան Սրբազան Հայրը Ս. Պատարագ մատուցանեց ու քարոզեց Ֆիլատելֆիայի Ս. Գրիգոր Լուսաւորիչ եկեղեցւոյ մէջ, ինչ որ մաս կը կազմէր այս տարի իւրաքանչիւր ծուխ այցելելու իր ծրագրին։

Ֆիլատելֆիոյ  Ս. Գրիգոր Լուսաւորիչի ծխականներ Ս. Պատարագի ընթացքին

“The Belle City Magazine”ը՝ Ռէյսինի (Ուիսքոնսըն) տեղական ամսաթերթը, նկարազարդ գեղեցիկ յօդուած մը հրատարակած է Ս. Յակոբ եկեղեցւոյ 80ամեակին առիթով՝ Քէյթի Մաթիսոնի ստորագրութեամբ։ Յօդուածը պատմականը կ՚ընէ քաղաքի հայ համայնքին եւ եկեղեցւոյ յոբելեանին։
Վերջերս, Անուշաւան Սրբազան Հայրը այդ առիթով այցելած էր Ռէյսին, Ս. Պատարագ մատուցած եւ նախագահած 80ամեակի տօնակատարութեան։

Աւագ սարկաւագութեան տիտղոս տրուեցաւ Յարութիւն սարկաւագ Գազանճեանին

Հոգաբարձութեան փոխատենապետ դոկտ. Լեւոն Սարեան անդրադարձած էր եկեղեցւոյ պատմութեան՝ տօնակատարութեան ընթացին ․ այս եւս մէջբերուած է վերի յօդուածին մէջ։ Դոկտ. Սարեան յայտնած է.
«1934ին, Ռէյսինի խումբ մը հայեր քով-քովի եկած էին հիմքը դնելու Հայց. Առաքելական ապագայ Ս. Յակոբ եկեղեցւոյ։ 1937ի ամրան, պրն. Ճ. Ճ. Պիկըրթ՝ J. I. Case ընկերութեան նախագահ, հայերուն նուիրած է «Վերկելանտ» սրահը՝ Ռէյսինի Լասալ փողոցին վրայ, ու այնուհետեւ համայնքի եկեղեցին տեղափոխուած է նոր վայրը։ Ս. Յակոբ եկեղեցին օծուած է 16 Հոկտեմբեր, 1938ին, համայնքի ամէն տարիքի անդամներու տքնաջան աշխատանքով։ Ս. Յակոբի համայնքը շարունակած է բարգաւաճիլ ու ծաղկիլ, իսկ 1976ին, նոր եկեղեցի ու համայնքային սրահ կառուցած ենք մեր ներկայ վայրին մէջ»։
Ծուխի հայկական դպրոցի աշակերտները ելոյթ ունեցան 80ամեակի տօնակատարութեան ընթացքին

 

 

 

Be the first to comment

Leave a Reply

Your email address will not be published.


*