ՏԻԹՐՈՅԹ.-ՍՈՒՐԲ ՍԱՐԳԻՍ ԵԿԵՂԵՑՒՈՅ ՀԻՄՆԱԴՐՈՒԹԵԱՆ 56-րդ ԱՄԵԱԿԻ ՏՕՆԱԿԱՏԱՐՈՒԹԻՒՆ՝ ՀՈՎԱՆԱՒՈՐՈՒԹԵԱՄԲ ԹԵՄԻ ՆՈՐԸՆՏԻՐ ԱՌԱՋՆՈՐԴ՝ ԳՐՇՆ. ՏԷՐ ԱՆՈՒՇԱՒԱՆ ԱՐՔԵՊԻՍԿՈՊՈՍ ԴԱՆԻԷԼԵԱՆԻ

Անդրանիկ Գարատօլեան
Կիրակի, Նոյեմբեր18-ին, Տիթրոյթի Սուրբ Սարգիս Հայաստանեաց Առաքելական եկեղեցւոյ հիմնադրութեան 56-րդ ամեակին առիթով, ինչպէս նաեւ թեմի նորընտիր առաջնորդ Գերշ. Տէր Անուշաւան Արքեպիսկոպոս Դանիէլեանի համայնքի տուած իր անդրանիկ այցելութեան առիթով, Ս. Սարգիս եկեղեցին անգամ մը եւս ողողուած էր հաւատացեալներու հոծ բազմութեամբ, որ եկած էր տօնելու եկեղեցւոյ հիմնադրութեան 56-ամեակը, նորընտիր առաջնորդին հանդիպելու եւ ողջունելու առիթ մը ընծայելու ծխականներուն: Եկեղեցւոյ հիմնադրութեան ուրախ առիթով Սուրբ Սարգիս եկեղեցւոյ մէջ տեղի ունեցաւ եպիսկոպոսական հանդիսաւոր Սուրբ եւ անմահ պատարագ կատարողութ-եամբ՝ թեմիս առաջնորդ Գրշ. Տէր Անուշաւան Եպիկոպոս Դանիէլեանի: Հաւատացեալներու կողքին ներկայ էին նաեւ եկեղեցւոյ հոգաբարձութեան անդամներ, եւ ազ-գայի երեսփոխաններ, Ա. Մ. Ն. Արեւելեան շրջանի Հ.Յ.Դաշնակցութեան կեդրոնա-կան կոմիտէի անդամ՝ Հայկ Օշական, «Ազատամարտ» կոմիտէութեան եւ քոյր միութիւններու ներկայացուցիչներ: Սուրբ պատարագի ընթացքին Գրշ.Սրբազան հայրը իր պատգամին բնաբանը ընտրած էր Պօղոս Առաքեալի կողմէ Փիլիպպեցիներու գրուած նամակէն: Սրբազան հայրը Պօղոս Առաքեալի գրած նամակի խօսքերէն մեկնելով ըսաւ.-«Թող Աստուած մեր Հայրը եւ Տէր Յիսուս Քրիստոսի շնորhքը եւ խաղաղութիւն պարգեւէ ձեզի, որպէսզի կարենաք շարունակել ձեր Աստուածահաճոյ գործունէութիւնը Սուրբ Սարգիս եկեղեցւոյ եւ համայնքի եկեղեցական եւ ազգային ծառայութեան բարօրութեան: Որպէս թեմի առաջնորդական փոխանորդ, երբ առիթ ունեցած եմ այցելելու Սուրբ Սարգիս եկեղեցւոյ համայնքին, ամէն անգամ հոգեկան անսահման ուրախութիւն մը կ՚ունենայի ձեզի հետ աղօթելու Աստուծոյ, եւ գոհունակութիւն կը յայտնէի Աստուծոյ: Այսօր դարձեալ ձեզ հետ եմ, եւ միասնաբար կ՛աղօթենք Աստուծոյ, ուրախութեամբ կ՚աղօթեմ, որովհետեւ ձեր մասնակցութիւնը կը բերեք Աստուծոյ գործին: Եւ վստահ եմ թէ Աստուած, իր օրհնութիւնը եւ շնորքը բաշխաէ ձեզի, որպէսզի զայն իր կատարումին հասցնէք մինչեւ մեր Տիրոջ Յիսուս Քրիստոսի գալը:
Գրշ.Սրբազան հայրը իր պատգամը փակեց յարելով.-Իմ աղօթքս է, որ ձեր սէրը աւելի աճի ու զօրանայ Աստուածագիտութեամբ եւ ազգագիտութեամբ ու կատարեալ դատողութեամբ, որպէսզի լաւը ընտրէք եւ գործէք Սուրբ Սարգիս եկե-ղեցւոյ ծաղկումին եւ համայնքի եկեղեցական եւ ազգային կեանքի բարօրութեան»:
Սուրբ պատարագէն ետք, եկեղեցւոյ յարակից «Լիլիըն Առաքելեան» սրահին մէջ տեղի ունեցաւ եկեղեցւոյ հիմնադրութեան 56-րդ տարեդարձի ճաշկերոյթը որ կը վայելէր թեմիս առաջնորդ՝ Գրշ. Տէր Անուշաւան եպիսկոպոս Դանիէլեան հօր հովա-նաւորութիւնն ու ներկայութիւնը: Ճաշկերոյթին առթիւ պատրաստուած էր գեղարուեստական կոկիկ յատագիր մը: Յայտագիրին իրենց մասնակցութիւնը բերին Հ.Մ.Ը.Մ.-ի Արենուշներ ու Սկա-ուսներ, եկեղեցւոյ Կիրակնօրեայ դպրոցի եւ Հ․Օ․Մ․-ի Միջ-վարչութեան «Զաւարեան» միօրեայ վարժարանի աշակերտներ, ինչպէս նաեւ Համազգային «Արաքս» պարախումբը:Օրուայ հանդիսավարներն էին օրդ. Հայկան Չօլագեան եւ պրն. Ռայըն Սիրեան, որոնք փոխն ի փոխ վարեցի հանդիսութիւնը: Առաջին հերթին բեմ հրաւիրեցին Հ. Մ. Ը .Մ.-ի սկաուտներն ու արենուշները, որոնք կատարեցին Ամերիկայի եւ Հայաստանի օրհներգները: Որմէ ետք հանիսա-վարուհի օրդ. Չօլագեան բեմ հրաւիրեց Կիրակնօրեայ դպրոցի աշակերտները, որոնք երգեցին « Սուրբ Աստուած«ը եւ « Մարմին Տէրունական» շարականները: Ապա բեմ բարձրացան Հ․Օ․Մ․-ի միջ-վարչութեան «Զաւարեան» միօրեայ վարժարանի աշակերտները, որոնք երգեցին «Հայորդիք» եւ «Սարդարապատ» ազգայնաշունչ երգերը: Այնուհետեւ հանդիսավարները իրարայաջորդ բեմ հրաւիրեցին Եկեղեցւոյ հոգարարձութեան ատենապետուհի Սիմոնէ Թօփուզեանը, Մովսէս Շրիգեանը, ինչպէս նաեւ «Ազատամարտ» կոմիտէի եւ Հայ Կեդրոնի խնամակալութեան անդան Շանթ Ժամկոչեանը՝ որոնք իրենց բարի գալուստի խօսքէն ետք շնորհաւորեցին սրբազան հօր ընտրութիւնը, մաղթելով քաջառողջ երկար տարիներ,եւ անսպառ ուժ, որպէսզի կարենայ իր ստանձնած ծառայութինը բանիւ եւ գործով լիցքաւորել թեմի հզօրացման եւ Աստուծոյ փառքին: Որմէ ետք, Համազգայինի «Արաքս» պարախումբը պարեց ազգագրական երեք տոհմիկ պարեր խանդավառելով հասարակութիւնը: Այնուհետեւ հանդիսավար Սիրեան բեմ հրաւիրեց եկեղեցւոյ հոգեւոր հովիւ Արժպ. Տէր Հրանդ Քհնյ. Գէորգեանը որպէսզի հասարակութեան ներկայացնէ թեմի նորընտիր առաջնորդ՝ Գրշ. Տէր. Անուշաւան եպիսկոպոս Դանիէլեանը: Տէր հայը իր բարի գալուստի խօսքէն ետք, հակիրճ կերպով ներկայացուց Սրբազան հայրը, որ երկար տարիներէ ի վեր որպէս առաջնորդական փոխանորդ կը ծառայէր թեմէն ներս։
Սրբազան հայրը նախքան իր կրօնազգային կուռ պատգամը, շնորհաւորեց եկեղեցւոյ հիմնադրութեան 56-րդ ամեակը, առողջութիւն եւ յաջողութիւն մաղթեց Արժպ. Տէր հօր, հոգաբարձութեան, ազգային երեսփոխաններուն, կազմակերպութիւններուն եւ յարակից մարմիներուն, որպէսզի հաւաքական աշխատանքով շարունակելու իրենց ստանձնած առաքելութիւնը համայնքի կեանքէն ներս, զօրակցելու վերանկախացած Հայաստանի եւ ազատագրուած Արցախի հանրապետութիւններուն հզօրացման եւ հայրենաբնակ մեր ժողովուրդի կեանքի բարօրութեան:
Այնուհետեւ իր խօսքը ուղղելով ներկայ հասարակութեան ըսաւ.- Քիչ առաջ ականատես եղանք մեր մատղաշ սերունդի փոքրիկներուն, պարման պարմանուհիներու գեղեցիկ ելոյթին, իսկապէս հոգեկան մեծ ուրախութիւն է, ի տես անոնց ինչպէ՞ս չհպարտանալ, չհրճուիլ ու ոգեւորուիլ, անոնց ելոյթը վկայութիւն մըն է թէ այս գաղութի ազգային կեանքէն ներս կը շարունակուի մեր մշակոյթը, եւ մեր ինքնութեան սպառնացող վտանգի պայքարը, եւ ազգային արժանիքներու պահպանումը:
Այս հիւրընկալ երկրին մէջ, հայ ժողովուրդի արմատները աւելի հին են: Թէեւ 1894-1895ի Համիտեան կոտորածները, եւ ապա 1915ին ազգային Ցեղասպանութենէն վերապրող մեր ժողովուրդի զաւակներ, եկան ու կայք հաստատեցին այս երկիրը, անոնք իրենց հետ բերին մեր դարաւոր վիթխարի մշակոյթը, ազգային աւանդութիւնները, սովորութիւնները եւ ազգային արժէքները, եւ իրենց լաւագոյն ներդրումը ունեցան այս գերհզօր երկրի այլազան բնագաւառներէն ներս, դարձան մասնիկ եւ մասնակից քաղաքացիներ այս երկրի մշակոյթին եւ այլ մարզերու հզօրացման: Երբ թղթակից մը հարց կու տայ միջազգային համբաւաւոր մեծ երգիչ, հեղինակ, բանաստեծ եւ մեծ բարերար լուսահոգի Շարլ Ազնաւուրի թէ՚ ի՞նչ համեմատութեամբ ինքզինք Ֆրանսացի, կամ Հայ կը զգայ, Շարլ Ազնաւուր կը պատասխանէ ըսելով.-«Հարիւր առ հայրիւր ես ինքզինքս Ֆրանսացի կը զգամ, եւ նոյն չափով ալ Հայ»: Սիրելի ներկաներ, Շարլ Ազնաւուրին պէս մենք եւս պէտք է ըսենք Ամերիկացի ենք եւ նոյնքան ալ Հայ: Մենք որպէս ազգ եւ ժողովուրդ հպարտ ենք մեր ազգային պատկանելութեան, ստեղծած ենք երեք հազար տարուայ պատմամշակոյթի վիթխարի գանձեր, հիմնած ենք պետականութիւն եւ ունեցած ենք թագաւորութիւններ ու կայսրութիւն: Ներկայիս երբ ակնարկ մը կը կատարենք ազգերու պատմութեան եւ հարց կու տանք ըսելով, ու՞ր է Ասորեստանը, Սելեւկեան, Բաբելոնը, Մարերը եւ այլ նմանօրինակ ազգեր ու պետութիւններ, որոնք ազգերու պատմութեան մէջ միայն անուն մը թողած են: Թէեւ մենք թիւով փոքր ազգ ենք, բայց եւ այդպէս մեծ ազգ ենք, եւ համաշխարհային չափանիշով կը գտնուինք քաղաքակիրթ ազգերու առաջին շարքերը, ազգերու պատմութեան մէջ, տուած ենք մեծ հանճարներ, գիտնականներ եւ մշակոյթի հսկաներ, մենք շինարար եւ ստեղծագործ ժողովուրդ ենք: Մենք գոյատեւած ենք, որովհետեւ հաւատացած ենք ու հետեւած մեր Նահապետ Հայկի ուղղիին, որ նախընտրած էր ազատ ապրիլ եւ գլուխ չծրել բռնակալ Բէլին: 1915- Մեծ Եղեռնէն հազիւ երեք տարիներ ետք, 1918-ին, հաւաքական գերիվեր ուժերով մեր հայենիքի փոքր հատուածին վրայ պետութիւն հիմնեցինք, առանց հաւաքական կամքի եւ վճռականութեան կարելի պիտի չըլլար անկախ Հայաստանի առաջին Հանրապետութեան ստեղծումը:
Սրբազան հայրը իր պատգամը փակեց ըսելով.- Մեծ Եղեռնէն ետք, Սփիւռքի տարածքին որպէս գոյատեւումի պայքար ու վահան, հաւաքական աշխատանքով ծրագրեցինք ու կառուցինք եկեղեցիներ, դպրոցներ ու ակումբներ, որպէսզի կարենանք պահել մեր լեզուն պատմութիւնը, աւանդութիւնները, սովորութիւնները եւ ազգային արժէքները: Ուստի իմ թելադրանքս է տարակարծութիւնները, գժտութիւնները մէկդի դնենք, որովհետեւ շատ գործ ունինք ընելիք, ծրագրենք մեր յառաջիկայ ընելիքները, ես վտահ եմ որ հաւաքական ուժերով մենք կրնանք մեր մշակած կրօնազգային գործերը յաջողութեամբ իր լրումին հասցնել:
Ճաշի սպասարկութենէն ետք, սրբազան հայրը ընկերակցութեամբ եկեղեցւոյ հոգեւոր հովիւ Արժպ. Տէր Հրանդ Քհնյ. Գէորգեանի այցելեց սեղանները եւ մտերմիկ ու անկեղծ զրոյց ունեցաւ նրկայ հաւատացեալներուն հետ:
Լիակատար առողջութիւն, հաւատք, համբերութիւն, անսպառ ուժ ու յաջողութիւն կը մաղթէնք Սրբազան Հօր, Աստուածահաճոյ, կրօնազգային մարզերէ ներս իր ստանձնած առաքելութեան, ի փառս Աստուծոյ, Առաջնորդարանի եւ համայնքներու ծաղկումին:

 

Be the first to comment

Leave a Reply

Your email address will not be published.


*