Հ․Յ․Դ․ Արխիւներու Ձեռնարկ


ՈՒԱԹԸՐԹԱՈՒՆ (Մասաչուսէց)․- Հոկտեմբեր 25-ին, Հայաստանի Հանրապետութեան հարիւրամեակին առթիւ, տեղի ունեցաւ ձեռնարկ մը, որուն նպատակն էր ներկայացնել Հ․Յ․Դ․ արխիւները։ Պոսթընի Հ․Յ․Դ․ «Սարդարապատ» կոմիտէութեան անունով խօսք առաւ Ճօշ Թեվեքէլեան, որ բարի գալուստ մաղթելէ ետք, նշեց․- «՛՛Հայրենիք»-ի շէնքին մէջ Այս արխիւները կը պատկանին բոլոր հայութեան։ Հ․Յ․ Դաշնակցութիւնը պահեց այս արխիւները, որպէսզի չկորսուին»։
Ապա, Հ․Յ․Դ․ արեւելեան Ա․Մ․Ն․-ի Կեդրոնական Կոմիտէի ներկայացուցիչ Ճորճ Աղճայեան, որ նաեւ քանի մը տարիէ ի վեր արխիւներու պատասխանատուութիւնը ստանձնած է, հակիրճ զեկուցում մը ներկայացուց։
Ան յայտնեց, թէ հսկայ աշխատանք կայ կատարելիք եւ նշեց, թէ 1890-էն 1926 տարիներու վրայ երկարող արխիւները ամբողջացած ու տրամադրելի են ակադեմականներուն։
Իսկ 1918-1920 տարիներու Ա․ հանրապետութեան արխիւներուն միայն 15 առ հարիւրը պատրաստ է ուսումնասիրութեան։ Կան նաեւ աւելի քան երեսուն տուփեր, որոնք մէջ կը գտնուին նկարներ եւ հին ժապաւէններ։
Այս ձեռնարկին առթիւ տեղի ունեցաւ հիւրասիրութիւն «Բաբգէն Սիւնի» ակումբին մէջ։

Be the first to comment

Leave a Reply

Your email address will not be published.


*