Ա․Մ․Ն․ ԱՐԵՒԵԼԵԱՆ ԹԵՄԻ ԲԱՐԵՋԱՆ ԱՌԱՋՆՈՐԴ ԱՆՈՒՇԱՒԱՆ ՍՐԲԱԶԱՆԻ ԱՅՑԵԼՈՒԹԻՒՆՆԵՐԸ

Կիրակի, Հոկտեմբեր 7-ին, Ա․Մ․Ն․ Արեւելեան թեմի Բարեջան Առաջնորդ Անուշաւան Սրբազան Դանիէլեանը Սուրբ պատարագ մատուցանեց ու քարոզեց Սփրինկֆիլտի ու Ինտիըն Օրչըրտի  (Մէսէչուսէց) համայնքներուն, Սուրբ Գրիգոր եկեղեցւոյ մէջ։
Նշենք թէ, Հոկտեմբեր 10-ին, Անուշաւան Սրբազանը այցելած էր Մ․Ա․Կ․-ի մէջ Հայաստանի մշտական ներկայացուցիչ Մհեր Մարգարեանին, որ վերջերս իր կարգին Առաջնորդարանը այցելած էր՝ շնորհաւորելու Սրբազանը իր ընտրութեան առիթով։ Այս հանդիպումին, որուն ներկայ էր նաեւ խորհրդական Միքայէլ Սարուխանեանը, արծարծուեցան Հայաստանի ու Սփիւռքի հետ կապուած հարցեր։

Նշենք թէ, Հոկտեմբեր 13-ին Անուշաւան Սրբազանը բացման աղօթքը պիտի կատարէ Արեւելեան Ա․Մ․Ն․-ի Հայ Դատի Յանձնախումբի 12րդ տարեկան կալային, որ տեղի պիտի ունենայ Նիւ Եորքի «Կրանտ Հայաթ» պանդոկին մէջ։ Հայ Դատի Յանձնախումբի «Ազատութիւն» մրցանակը պիտի ստանան «Խոստումը» շարժանկարի արտադրիչը՝ տոքթ. Էրիք Իսրայէլեան, եւ բեմագիրն ու բեմադրիչը՝ Թերի Ճորճ։ Ամերիկահայ հանրային գործիչ Քէն Սարաճեան պիտի մեծարուի «Վահան Գարտաշեան» մրցանակով։

Կիրակի, 2 Դեկտեմբերին, Անուշաւան Սրբազանի ընտրութիւնը պիտի նշուի յատուկ տօնախմբութեամբ։ Անուշաւան Սրբազանը պիտի պատարագէ ու քարոզէ Սուրբ Լուսաւորիչ Մայր Եկեղեցւոյ մէջ (221 East 27th Street, Նիւ Եորք)։ Ժամերգութիւնը պիտի սկսի առաւօտեան ժամը 10-ին։ Այնուհետեւ, ճաշկերոյթը տեղի պիտի ունենայ Terrace on the Parkի մէջ (Ֆլաշինկ Միտոզ, Նիւ Եորք)։ Ընդունելութիւնը պիտի սկսի կէսօրէ ետք ժամը 2:30-ին, իսկ ճաշի սպասարկութիւնն ու յայտագիրը՝ ժամը 3:30ին։ Տոմսակներ ապահովելու կամ տեղեկութիւններ ստանալու համար, այցելել․- email@armenianprelacy.org կամ հեռաձայնել․- 212-689-7810։

 

Be the first to comment

Leave a Reply

Your email address will not be published.


*