Արցախի Նախագահ Բակօ Սահակեան Պարգեւատրեց Լիբանանահայ Խմբավար Զաքար Քէշիշեանը


ՍՏԵՓԱՆԱԿԵՐՏ․- Արցախի Հանրապետութեան անկախութեան 27-րդ տարեդարձին առիթով, նախագահ Բակօ Սահակեան «Արուեստի վաստակաւոր գործիչ» կոչումով պարգեւատրեց լիբանանահայ երաժիշտ, խմբավար, շուիահար եւ տուտուկահար, Շուշիի «Վարանդա» պետական երգչախումբի հիմնադիր եւ գեղարուեստական ղեկավար Զաքար Քէշիշեանը:
Պարգեւատրման արարողութիւնը տեղի ունեցաւ Շաբաթ, Սեպտեմ
բեր 1-ին, Արցախի նախագահական ապարանքին մէջ: Արարողութեան ընթացքին նախագահ Բակօ Սահակեան բարձրօրէն գնահատեց Արցախի պետականութեան ամրապնդման գործին մէջ բազմակողմանի ոլորտներու մասնագիտական ներդրումներու անհրաժեշտութիւնը:
Իր խօսքին մէջ Զաքար Քէշիշեան ըսաւ. «Ապրիլի 4, 1989-ին առաջին անգամ Արցախի հողին վրայ ոտք դնելով նպատակ ունէի պատերազմի դժուարին պայմաններու մէջ ապրող Արցախի հողին վրայ քար մըն ալ ինքս դնել, մոմ մըն ալ ինքս վառել, ժպիտ մըն ալ ինքս ուրուագծել, արցունք մըն ալ ինքս սրբել, մանուկներու շրթներուն երգ մըն ալ ինքս դնել:
Այս բոլորը յաջողեցայ ընել աւելի քան 700 հին ու նոր սաներուս հետ:
Այժմ, տարիներու հեռուէն, այդ բոլորը կը թուի ակնթարթ մը, որուն ընթացքին մենք պատերազմը յաղթեցինք, անկախութիւն կերտեցինք, քաղաքաշինական ու ճանապարհաշինական նկատառելի արդիւնքի հասանք, նորահաս սերունդի հոգեմտաւոր ու ազգային դաստիարակութեան հիմքեր ամրապնդեցինք:
Այժմ լծուած ենք խաղաղութիւնն ալ պատուով յաղթելու առաքելութեան:
Եւ այժմ պէտք է գործենք առաւել ուժական, միասնական, խելամիտ, հեռատես ու անմնացորդ նուիրումով, որովհետեւ կը ծառայենք անյաղթելի ու սիրելի այնպիսի ժողովուրդի մը, որուն համար կ՛արժէ ե՛ւ ապրիլ ե՛ւ մեռնիլ»:
Նշենք, թէ Սեպտեմբերի 4-ին Շուշիի կերպարուեստի պետական թանգարանին մէջ կայացաւ Շուշիի «Վարանդա» մանկական, պատանեկան և երիտասարդական պետական երգչախումբի համերգը:
Գեղարուեստական ղեկավար եւ խմբավար Զաքար Քէշիշեան յայտնեց, թէ համերգը նուիրուած է Հայաստանի առաջին հանրապետության հարիւրամեակին, Արցախեան շարժման 30-ամեակին, Համազգային հայ կրթական և մշակութային միութեան 90-ամեակին եւ Երեւան քաղաքի 2800-ամեակին:
«Ես եկել էի մի մոմ ինքս էլ վառելու, մի քար ինքս էլ դնելու, մի ժպիտ ինքս էլ ուրուագծելու, պատերազմում ապրող մանուկների շուրթերին մի երգ էլ ինքս դնելու: Այս բոլորը կարողացայ կատարել շնորհիւ աւելի քան 700 հին ու նոր սաներիս, որոնց հետ իմ ստեղծագործական ճանապարհը շարունակուելու է այնքան ժամանակ, որքան իմ կարիքը կը զգացուի»,- ըսաւ Զաքար Քէշիշեան:

Համերգի ընթացքին հնչեցինն հին ու նոր երգեր։
Երգչախումբի 64 երգերու հեղինակ Եուրի Սահակեանը, որ վերջերս նշեց իր 80-ամեակը, նախագահ Սաահակեանի հրամանագրով արժանացած է «Արուեստի վաստակաւոր գործիչ» կոչման: Այս փաստաթուղթը Եուրի Սահակեանի զաւակին յանձնեց մշակոյթի, երիտասարդութեան հարցերու եւ զբօսաշրջութեան նախարար Լեռնիկ Յովհաննիսեանը:
Համերգի աւարտին, նաեւ Զաքար Քեշիշեանի յիսնամեակի առիթով, շնորհակալական խոսքեր ուղղեցին եւ նուէրներ փոխանցեցին Շուշիի ղեկավարութիւնը, «Վարանդա» երգչախումբի անդամներն ու հանդիսատեսները:

Be the first to comment

Leave a Reply

Your email address will not be published.


*