Հ.Յ.Դ. Արցախի Պատանիները Շուշիի Մէջ


ՍՏԵՓԱՆԱԿԵՐՏ.- Մայիս 20-ին, Հ.Յ.Դ. Արցախի պատանեկան միութեան Վարիչ Մարմինը Շուշիի մէջ, Հայաստանի առաջին հանրապետութեան հարիւրամեակին եւ Շուշիի ազատագրման 26-ամեակին նուիրուած ձեռնարկներ կազմակերպած է:
Ստեփանակերտի, Մարտունիի եւ Ասկերանի պատանեկան միութիւններու անդամները այցելեցին Շուշիի պատմամշակութային եւ տեսարժան վայրերը, ծանօթացան Շուշիի ազատագրման պատմութեան: Այնուհետև պատանիները դասախօսութեան եւ հարց-պատասխանի միջոցով, վերյիշած են Մայիսի 28ՙ 1918-ին հռչակուած Հ.Հ. անկախութեան պատմութիւնը: Տեղի ունեցան նաեւ մրցումներ եւ ցուցադրական ելոյթներ:
Աւարտին, նաեւ տեղի ունեցաւ խոստման արարողութիւն, որուն ընթացին Հ.Յ.Դ. պատանեկան շարքերը մուտք գործեցին 35 պատանի:

Be the first to comment

Leave a Reply

Your email address will not be published.


*