Արցախեան Վերածնունդը՝ Լուսանկարիչ Ռոպերթ Կարապետեանի Ոսպնեակի Ետին

Հազիւ երկու շաբաթ առաջ, ՀԱՅՐԵՆԻՔ-ի խմբագրութիւնը, ել-նամակի միջոցաւ ստացաւ նկարներու շարք մը: Հասցէն կը պատկանէր հանրածանօթ լուսանկարիչ Ռոպերթ Կարապետեանի, որ երկար ժամանակէ ի վեր հաստատուած է Նիւ Եորք: Քիչ անց, նոյնինքն Ռոպերթն էր, որ ընկալուչին վրայ կը զրուցէր: Ի յայտ եկած էր, թէ աչքի գործողութեան ենթարկուած էր վեթերան լուսանկարիչը եւ հարազատներու միջոցաւ ղրկած էր այս «տեսողական գանձ»ը, որ 1988-ի Արցախեան վերածնունդի նկարներու շարք մըն էր:

Ռոպերթ ամէն գնով ակնդիրին կ՛ուզէր ներկայացնել այս պատմական նկարները, որոնց սեւ-ճերմակ գոյները տարբեր գունաւորում մը կը փոխանցեն:

…Հազարաւոր ցուցարարներ, Լենինի արձանին քանդումը եւ այսպէս նկարները մէկ առ մէկ կը յիշեցնեն այդ անմոռանալի օրերը: Շուտափոյթ առողջութիւն կը մաղթենք Ռոպերթին, իսկ մեր ընթերցողներուն կը տրամադրենք անոր ոսպնեակի ետին, «քլիք»ով մը յաւերժացած այս պատմական լուսանկարները:

 

 

Be the first to comment

Leave a Reply

Your email address will not be published.


*